Bimetallisme
Lo bimetallisme es un sistèma monetari que reconoís doas paritats metallicas legalas que son generalament basadas sus d'ensems de monedas aur/argent ò argent/bronze. Inventat en Lidia durant lo sègle VI av. JC, aqueu sistèma s'escampèt pauc a pauc e èra quasi generau au sègle XIX. Seis interès principaus son d'aumentar la quantitat de moneda en circulacion, d'estabilizar lei prètz e de facilitar lei cambis. Pasmens, entraïna sovent de problemas de conversion entre lei dos metaus car an pas necessariament la meteissa valor. Ansin, dins lo corrent dau sègle XIX, la màger part dei país l'abandonèron en favor d'un sistèma monometallic.