Artilhariá navala
L’artilhariá navala designa l'artilhariá utilizada sus lei naviris de guèrra. Apareguda dins lo corrent dau sègle XIV, utilizava generalament de pèças pesucas e poderosas per rompre lei proteccions e lei blindatges dei naviris enemics. Una portada lònga venguèt pauc a pauc necessària, especialament a partir dau sègle XIX amb l'introduccion de l'obús explosiu. Après l'aparicion deis avions, l'artilhariá navala deguèt tanben desvolopar l'usatge de canons antiaerians.
L'artilhariá navala demorèt l'arma dominanta dau combat navau fins ais ans 1960 que veguèt la generalizacion dau missil antinaviri. Dins aquò, lei naviris de combat modèrnes continuan d'utilizar de canons coma arma segondària.