Arn negre
Paliurus spina-christi, fuèlhas e flors
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Magnoliopsida |
| Sosclassa | Magnoliidae |
| Òrdre | Rosales |
| Familha | Rhamnaceae |
| Genre | Paliurus |
Paliurus spina-christi
Mill., 1768
| Òrdre | Rosales |
|---|---|
| Familha | Rhamnaceae |
L'arn negre (Paliurus spina-christi) es una planta de flors de la familha de las Ramnacèas. Tanben se la dison argalon, arn, arnavèu, arnivès negre, arnivèu, arns, capelets o encara pòrtacapèl.[1]
Descripcion
[modificar | Modificar lo còdi]Es un arbust caducifòli espinós de 2 a 4 m de naut. A de fuèlhas altèrnas, ovales e finament dentadas, caduna amb doas espinas estipulàrias, l'una longa e drecha e l'autra corta e corbada. Las flors son pichonas (d'unes 2 mm), pentamèras, de color jauna o blanca, formant de rasims de corimbes fòrça oloroses e s'agròpan en ramèls axillars. Los fruchs son samaras en forma de disc. La florida debana entre los meses de julhet e setembre.[2]
Airal de distribucion e abitat
[modificar | Modificar lo còdi]Lo podèm trobar al nòrd de la region mediterranèa e maitot en la part orientala; tanben se la pòt trobar a l'oèst e centre d'Asia. Creis sovent en garrigas pauc umidas dempuèi lo nivèl de la mar fins als 400 m d'altitud.
En Occitània es fòrça comuna en las garrigas de Provença e Lengadòc.