AMX-10 RC
L’AMX-10 RC es veïcul militar de reconoissença francés concenbut durant leis ans 1970. D'una massa de 15,8 a 17 t, es dotat d'un blindatge leugier, d'un sistèma de propulsion eficaç (85 km/h sus lo prat batalhier) e d'un canon de 105 mm. Intrat en servici en 1981 dins l'armada francesa, foguèt egalament exportat vèrs Marròc e Qatar. Destinat ais unitats blindadas leugieras encargadas de la reconoissença, son canon poderós li permet de representar una menaça vertadiera per un carri de combat e d'assegurar de missions de proteccion deis espacis liures entre doas unitats. Au començament deis ans 2020, es en cors de remplaçament en França per l'EBRC.
L'AMX-10 RC participèt a la guèrra de Kuwait en 1991 au sen dau còrs expedicionari francés. Obtenguèt de resultats positius gràcias a sa mobilitat. En 2023, d'exemplaris dèvon èsser mandats a l'armada ucraïnesa dins lo quadre de l'ajuda occidentala còntra l'invasion russa.