Mèrcat
Ch't' articl'ye fut c'menchie en Jèrriais
|
| Mèrcat | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Zoologie | ||||||||||||||
|
Un mèrcat (
mèrcat) est un p'tit mammiféthe tchi d'meuthe dans l'Sud d'l'Afrique. Ches p'tites bêtes pèsent dans les 731 granmes (mâles) et 720 granmes (feunmelles) et ont dans les 25 - 35 cm dé long (épis eune coue dans les 17 - 25 cm qu'lé mèrcat fait sèrvi à seule fîn d'balanchi quand i' sé d'bute). Les mèrcats ont des néthes taques lé tou d'ièrs tchi protègent contré l'solé dans les d'sèrts où'est qu'i' d'meuthent. Il' ont des grîns auve tchi i' creusent des tonnelles et dêfouissent les însectes et aut's p'tites bêtes qu'i' mangent.
Les mèrcats sont pustôt des mangeurs d'însectes, mais i' mangent étout des lêzardes, des tchilieuvres, des scorpions, d's oeux, des pliantes et des p'tits mammiféthes.
Les mèrcats d'meuthent dans des colonnies d'eune trentaine dans un drannet d'tonnelles dé ioù qu'i' sortent duthant l'jour. Quand la dgaîngue est horte les tonnelles, iun ou deux des mèrcats montent la garde et lus d'butent pouor r'garder s'i' y'a du dangi. Les mèrcats sont connus pouor chu comportément-chîn: s'mâter coumme un mèr, ou r'garder à l'entou si ch'tait pouor des mèrs - mais i' n'sont pon des cats.
Lé nom mèrcat veint d'l'Afrikaans meerkat, v'là tchi fut emprunté en Angliais. En Hollandais meerkat voudrait dithe “cat d'la mathe”, et nou dithait qu'chu mot fut am'né en Afrique du Sud par des navidgants Hollandais et l'nom fut donné au mèrcat. Tout coumme, en Hollandais un meerkat est eune manniéthe dé marmoûset et ch'est probabl'ye qu'lé mot veint du Sanskrit markaţa मर्कट (marmoûset).
