Dgitare
Ch't' articl'ye fut c'menchie en Jèrriais
|
- Cotentinais : gùitâre
- Jèrriais : dgitare (
dgitare)
La dgitare est un înstrument d'mûsique. Ch'est un înstrument à cordes - dé couôteunme eune dgitare a siêx cordes, mais y'en a tchi peut aver d'quat' à douze cordes. La dgitare a un cou et un pliat corps (v'lè tchi la distîngue cliaithement d'eune liute tch'a un corps biellu).
La dgitare veint d'eune fanmil'ye d'înstruments dêv'loppée en Âsie du Mitan et en Înde y'a tchiques millénaithes. Lé sitar Îndgien veint étout d'la même fanmil'ye.
Les Romains apportîtent lus cithara (adopté d'l'înstrument Grèc kithara) en Espangne. Les Maures la dêv'loppîtent.
Quand la liute pèrdit sa populathité pouor la fîn du 18e siècl'ye en Ûrope, la dgitare fut r'prînse.
La dgitare d'vînt populaithe dans la mûsique populaithe, dans l'jazz épis l'rock et l'folk ravigoté.
La dgitare êlectrique fut fabritchie îndustriellement pouor la preunmié fais en 1931.
