Wicklowfjella

Wicklowfjella
fjell
Upper Lake ved Glendalough
Land	Republikken Irland
Fylke	Leinster
Høgd	925 moh.
Bergartar frå	500 millionar år
Koordinatar	53°05′N 6°20′W
Wicklowfjella 53.083333333333°N 6.3333333333333°W / 53.083333333333; -6.3333333333333
Wikimedia Commons: Mountains of County Wicklow

Wicklowfjella (irsk Sléibhte Chill Mhantáin) er ei fjellkjede søraust i Republikken Irland. Ho inneheld mellom anna dei nordlege Dublinfjella og går hovudsakleg frå nord til sør frå sør i County Dublin gjennom County Wicklow og inn i County Wexford. Lugnaquilla er det høgaste fjellet med ei høgd på 925 meter over havet, Mullaghcleevaun med 847 moh er det nest høgaste. Fjellet Kippure er det høgaste punktet i County Dublin med 757 moh.

Elva Slaney har sitt utspring sørvest for Lugnaquilla og renn så sørover langs vestsida av fjella i 72 km før ho munnar ut i Irskesjøen ved Wexford.

Dublinarne går mykje på tur i området, særleg i helgene, og fjella er eit populært rekreasjonsområde som vert nytta til fiske, rafting og fjellturar. Midt i fjella ligg klosterbusetnaden Glendalough, som ein meiner vart grunnlagd av St. Kevin. Her ligg òg Powerscourtfossen, det høgaste fossefallet på Irland.

Den sørlege grensa til Wicklowfjella er sett ved fjellet Croghan, det høgaste punktet på grensa mellom Wicklow og Wexford, og den einaste staden på Irland der ein opplevde gullfeber på 1800-talet.

Høgaste toppar

Dei ti høgaste toppane i Wicklowfjella er:

Rangering	Fjell	Høgd	Bilete
1	Lugnaquilla	925	CO0497
2	Mullaghcleevaun	849	CO0497
3	Tonelagee	817	CO0497
4	Cloghernagh	800	CO0497
5	Corrigasleggaun	794	CO0497
6	Slievemaan	759	CO0497
7	Camenabologue	758	CO0497
8	Kippure	757	CO0497
9	Conavalla	734	CO0497
10	Djouce	725	CO0497

Kjelder

• Denne artikkelen bygger på «Wicklow Mountains» frå Wikipedia på engelsk, den 21. oktober 2007.

Bakgrunnsstoff

• Wicklowfjella nasjonalpark