Trabzon

Trabzon
by
Land	Tyrkia
Provins	Trabzon
Del av	Eastern Karadeniz
Høgd	0 moh.
Koordinatar	41°00′N 39°44′E
Areal	4 685 km²
Folketal	230 399 [1]
Folketettleik	49 / km²
Borgarmeister	Orhan Fevzi Gümrükçüoğlu
Tidssone	EET (UTC+2)
- Sommartid	EEST (UTC+3)
Postnummer	61xxx
Retningsnummer	(+90) 462
Bilnummer	61
Trabzon 41.005°N 39.7225°E / 41.005; 39.7225
Kart som viser Trabzon. Kart som viser Trabzon.
Wikimedia Commons: Trabzon

Trabzon er ein by ved kysten av Svartehavet nordaust i Tyrkia og administrasjonssenter i provinsen Trabzon. Byen har kring 230 000 innbyggjarar.

Trabzon, som ligg langs den historiske Silkevegen, vart ein smeltedigel for religionar, språk og kultur i fleire hundreår og ein inngangsport for handelsrutene til Iran i søraust og Kaukasus i nordaust. Venetianske og genuesiske handelsfolk vitja Trapezunt i mellomalderen og selde silke, lin og ull. Republikken Genova hadde ein viktig handelskoloni i byen på linkande måte som i Galata nær Konstantinopel (nord for Det gylne hornet) i dagens Istanbul. Trabzon danna grunnlaget for fleire statar gjennom den lange historia si og var hovudstad i keisarriket Trapezunt mellom 1204 og 1461. I den osmanske perioden vart Trabzon ein viktig hamneby og senteret for handel med Iran og Kaukasus.

Byen har eit sterkt mellomalderpreg. Det meste av den gamle bymuren er bevart samt fleire kyrkjer, moskear og anna. Byen har hatt universitet sidan 1963.

Byen har vore frihandelssone sidan 1992.

Historie

Den greske kolonien Trapezus vart lagt frå Sinope på 500-talet fvt. Byen var hovudstad i den romerske provinsen Pontus, og frå 1204 til 1461 var han hovudstad i keisarriket Trapezunt. Byen har gjennom fleire tusen år vore ein viktig hamne- og handelsby, og var i mellomalderen startpunkt for karavanevegane austover.

I 1895 vart byen åstad for ein massakre på armenarane. Byen hadde ein stor armensk folkesetnad fram til folkemordet på armenarane under første verdskrigen.

Klima

Trabzon har eit klima typisk for Svartehavsregionen med mykje nedbør. Under Köppen si klimaklassifisering har han maritimt klima (Cfb). med varme og fuktige somrar, og ein normal maksimumstemperatur kring 27 °C i august. Vintrane er kjølige og fuktige, og den lågaste normale minimumstemperaturen er kring 5 °C i januar. Det kjem mest nedbør på hausten og vinteren, men langt mindre om sommaren. Det er forholdsvis vanleg med snø mellom desember og mars. Snøen fell ofte tungt når han først kjem og ligg gjerne ei veke eller to. Vatnet langs kysten er alltid kjølig med temperaturar mellom 8 og 20 °C gjennom året.

Vêrdata for Trabzon
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Høgast målte °C	24,3	26,4	33,1	35	37,8	35,9	37	34,8	33,2	32,7	30,3	26,4	37,8
Gjennomsnittleg maks °C	10,8	10,9	12,3	15,8	19,1	23,5	26,3	26,9	23,9	20,1	16,2	12,9	18,2
Gjennomsnittleg min °C	4,4	4,3	5,6	8,8	12,8	16,9	20	20,3	17,2	13,5	9,3	6,3	11,6
Lågast målte °C	−4,6	−6,1	−5	−2	5,4	10,3	13,5	13,8	9,4	3,8	1	−3,1	−6,1
Gjennomsnittleg nedbør mm	74	60,7	58,8	58,8	50,9	49,2	37,3	46,5	77	119,5	100,2	83,5	816,4
Gns. luftfukt (%)	69	69	73	75	77	75	73	73	74	73	70	68	72
Gns. solskinstimar i månaden	83,7	89,6	105,4	129	176,7	210	179,8	167,4	150	133,3	108	80,6	1 613,5
Kjelde: Devlet Meteoroloji İşleri Genel MüdürlüğüWeatherbase

Kultur

Den lokale fotballklubben Trabzonspor var lenge den einaste tyrkiske fotballklubben utanfor İstanbul til å vinna Süper Lig.

Kjelder

• Denne artikkelen bygger på «Trabzon» frå Wikipedia på engelsk, den 23. august 2012.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Trabzon

• Offisiell nettstad