Pandya
| பாண்டியர் Pandyariket | ||||
| ||||
|---|---|---|---|---|
|
| ||||
.png) | ||||
| Hovudstad | Korkai Madurai Tenkasi | |||
| Språk | Tamil | |||
| Religion | Djainisme, hinduisme, buddhisme. | |||
| Styreform | Monarki | |||
| Historisk periode | Jernalderen | |||
| - Oppretta | 300-talet f.Kr. | |||
| - Opphøyrde | 1600 | |||
Pandyariket (tamil பாண்டியர், pandiya) var eit tamilsk rike sør i noverande India og Sri Lanka som fanst frå minst 300-talet f.Kr. til første halvdelen av 1500-talet. Riket hadde omfattande handel og kontakt med andre område, både med rike rundt Bengalbukta og med det gamle Hellas og Romarriket.
Pandyariket byrja heilt i sør på det indiske subkontinentet, og den første hovudstaden var hamnebyen Korkai. Etterkvart som riket breidde seg nordover - til dagens Andhra Pradesh - blei hovudstaden flytta lengre inn i landet, til Madurai. Her bygde dei mellom anna det storslåtte Minakshi Amman-tempelet.
Riket tapte ei tid makt til Tsjera-, Tsjola- og Pallavarika. Det voks på ny på 1100-talet, og hadde stor makt fram til 1300-talet, under «dei fem pandyaene». Etter dette gjekk riket gjekk tilbake på grunn av indre konfliktar og ytre press, som invasjonar frå det muslimske Delhisultanatet. Ved midten av 1500-talet hadde Pandyariket tapt alle territoria sine.
Kultur
[endre | endre wikiteksten]Pandya-dynastiet rekna seg som etterkomarar av Pandu, far til Pandava-brørne i det indiske storverket Mahabharata. Pandya-herskarane var opphavleg djainar, men blei etterkvart sjaivittar, eller Sjiva-dyrkarar. Dei er mykje omtalt i tamilsk dikting frå Sangam-tida, og fleire pandyakongar skal sjølv ha vore diktarar.
Kjelder
[endre | endre wikiteksten]- «Pandya dynasty» (2014), Encyclopædia Britannica.
- Wilfred H. Schoff, «Tamil Political Divisions in the First Two Centuries of the Christian Era», Journal of the American Oriental Society, Vol. 33, (1913), pp. 209-213. DOI: 10.2307/592826
Bakgrunnsstoff
[endre | endre wikiteksten]
Denne historieartikkelen som har med India og Sri Lanka å gjere, er ei spire. Du kan hjelpe Nynorsk Wikipedia gjennom å utvide han.