Ove Arbo Høeg

Ove Arbo Høeg
Fødd	25. november 1898 Larvik
Død	7. juli 1993 Oslo
Nasjonalitet	Noreg
Område	paleobotanikk, etnobotanikk, lav, botanikk, algar, mykologi, pollinering, biogeografi
Yrke	paleobotaniker, botanikar, professor, lichenolog
Institusjonar	Universitetet i Oslo Vitskapsmuseet Paleontologisk museum Botanisk hage i Oslo Birbal Sahni Institute of Palaeobotany
Alma mater	Universitetet i Oslo
Medlem	Det Norske Videnskaps-Akademi Det Kongelige Norske Videnskabers Selskab

Ove Fredrik Arbo Høeg (fødd 25. november 1898 i Larvik, død 7. juli 1993) var ein norsk botanikar. Han tok tok examen artium 1917 og vart cand.real. ved Universitetet i Kristiania 1923. I tillegg til biologi studerte han historisk geologi med paleontologi. Plantefosilar vart eit av hovudfelta hans. Han vart dr.philos i 1942 på avhandlinga The Downtonian and Devonian flora of Spitsbergen.

Frå 1923-1925 var Høeg konservator ved Paleontologisk museum i Oslo. 1926–47 arbeidde han ved dei botaniske samlingane ved Videnskapsselskapets museum i Trondheim. 1947-1967 var han professor i botanikk ved Universitetet i Oslo. 1958-1967 verka han som styrar for Botanisk hage og museum ved Universitetet i Oslo. At han utmerkte seg som paleobotanikar, gjorde at han vart leiar for oppbygging av, Birbal Sahni Institute of Palaeobotany, eit forskningsinstitutt i Lakhnaui India. Han arbeidde i tre år med dette UNESCO prosjektet.

Ove Arbo Høeg arbeidde mykje med etnobotanikk. I 1974 gav han ut Planter og tradisjon, ei bok om folkeleg bruk av norske planter. Høeg var i mange år redaktør for Blyttia, tidsskrift for Norsk Botanisk Foreining.

Han var æresmedlem i Norges Naturvernforbund, Norsk Botanisk Foreining og International Organization of Palaeobotany.

Kjelder

• Denne artikkelen bygger på «Ove Arbo Høeg» frå Wikipedia på bokmål, den 28. mai 2012.
• Ove Arbo Høeg – i Norsk biografisk leksikon

Litteratur

• Publikasjonar av Ove Arbo Høeg i BIBSYS