Night Time Is the Right Time

Nappy Brown-kronologi
The Right Time Singel av Nappy Brown

B-side	«Oh, You Don't Know»
Språk	engelsk
Utgjeve	1957
Innspelt	New York 1. oktober 1957
Sjanger	Rhythm and blues
Lengd	3:02
Selskap	Savoy (1525)
Komponist	Herman Lubinsky
Tekstforfattar	Ozzie Cadena
«Bye Bye Baby»/ «Goody-Goody-Gum Drop» (1957)	The Right Time	«If You Need Some Lovin'»/ «I'm In The Mood» (1958)

«Night Time Is the Right Time» eller «The Right Time» er ein rhythm and blues-song spelt inn av Nappy Brown i 1957. Han er basert på tidlegare bluessongar og sjølv danna grunnlaget for mange andre versjonar, mellom anna hittar av Ray Charles, Rufus and Carla og James Brown.

Tidlegare songar

Bluespianist Roosevelt Sykes (omtalt som «The Honey Dripper») spelte inn «Night Time Is the Right Time» i 1937 (Decca 7324). Kalla «ein av hittane hans i dei dagane»,^[1] er ein 12-taktsblues i moderat tempo med Sykes på vokal og piano. Ein meiner at han var basert på «den gamle vaudeville-tradisjonen»:^[2]

Now I want you to tell me, mama after I sing this song

Can I take you with me tonight darlin', and hold you in my arms

Because night time is the right time, to be with the one you love, with the one you love

I 1938 spelte Big Bill Broonzy inn songen med ein noko annleis (og tydelegare) tekst (Vokalion 4149). Same året spelte Roosevelt Sykes inn ein ny versjon kalla «Night Time Is the Right Time #2» (Decca 7438), òg denne med noko anna tekst. Desse tidlege versjonane av «Night Time Is the Right Time» er tilskrivne Roosevelt Sykes og Leroy Carr. Sjølv om Carr døydde i 1935 utan kjende innspelingar av songen, har «Night Time Is The Right Time» mange likskapar til Carr sin «When The Sun Goes Down». Sistnemnde var særs populær då han kom ut og har vorte spelt inn av Ink Spots og danna grunnlaget for «Love In Vain» av Robert Johnson.^[3]

Nappy Brown-songen

I 1957 spelte Nappy Brown inn songen som «The Right Time» (Savoy 1525). Songen har vorte kalla «eit høgdepunkt i den tidlege karrieren til Brown»,^[4] og versjonen hans er den første med ekstra tekst der korvokale syng svarlinjer. Med seg på innspelinga hadde han Buster Cooper (trombone), Hilton Jefferson (altsaksofon), Budd Johnson (tenorsaksofon), Kelly Owens (piano), Skeeter Best (gitar), Leonard Gaskin (bass) og Bobby Donaldson (trommer). Songen til Brown opnar med:

You know the night time (ba-do-day), is the right time (ba-do-day)

To be (ba-do-day), with the one you love (ba-do-day)...

Versjonen til Brown nådde ikkje dei nasjonale platelistene,^[5] men vart «lånt av Ray Charles kort tid etter».^[4] I løpet av karrieren sin spelte Brown inn fleire versjonar av songen (stundom med forskjellig tittel). På den originale utgåva står låtskrivaren oppført som «N. Brown».

Ray Charles-versjonen

Ray Charles spelte inn sin versjon, kalla «(Night Time Is) The Right Time», i oktober 1958. I følgje Brown var «skilnaden mellom min og Ray Charles sin ‘Night Time Is the Right Time' er at han hadde skrudd opp tempoet med Mary Ann og dei [Charles sine kvinnelege koristar, the Raelettes] bak seg. Eg spelte min versjon langsamt med ei gospelgruppe bak meg. Dette var mi gospelgruppe. Men han spelte songen akkurat som meg, note for note».^[6] Songen vart ein hit i 1959, då han nådde femteplassen på Billboard R&B-lista og 95. plass på poplista.^[7] Songen finst på albuma Ray Charles at Newport og The Genius Sings the Blues.

James Brown-versjonen

James Brown-kronologi
The Night Time Is the Right Time (To Be With the One That You Love) Singel av James Brown frå albumet Bring It On!

A-side	«Bring It On...Bring It On»
Språk	engelsk
Utgjeve	April 1983
Sjanger	Rhythm and blues
Lengd	4:14
Selskap	Churchill/Augusta (94023)
Komponist	Herman Lubinsky
Tekstforfattar	Ozzie Cadena
Produsent	James Brown
«Stay With Me» (1981)	The Night Time Is the Right Time (To Be With the One That You Love)	«Unity Part 1 (The Third Coming)» (1984)

James Brown spelte inn songen for det vesle selskapet Churchill/Augusta. Han vart gjeven ut i 1983 som B-sida på singelen «Bring It On...Bring It On». Brown-versjonen (med undertittelen «To be With the One That You Love») nådde 73. plass på Billboard R&B-lista.^[8] Robert Christgau skreiv positivt om versjonen til Brown, særleg den ukjende kvinnelege koristen.^[9]

Andre innspelingar

Mange andre artistar har spelt inn «Night Time Is the Right Time», som Alex Korner's Blues Incorporated frå albumet R&B from the Marquee (1962); Rufus and Carla (94. plass på poplista i 1964); The Animals frå The Animals (1964); The Sonics på albumet Here Are The Sonics (1965); Lulu frå Something to Shout About (1965); Aretha Franklin på albumet Aretha Now (1968); Creedence Clearwater Revival på albumet Green River (1969) og konsertalbumet The Concert (1980); Tina Turner frå Rough (1978) og John Scofield frå That's What I Say: John Scofield Plays the Music of Ray Charles (2005).

Anna

Songen vert omtalt i Bob Dylan sin «To Be Alone with You» (1969).
I ein episode av The Cosby Show mimer Bill Cosby (Cliff), Malcolm-Jamal Warner (Theo) og Keshia Knight Pulliam (Rudy) til Ray Charles-versjonen, med Phylicia Rashad (Clair), Sabrina Le Beauf (Sondra), Lisa Bonet (Denise) og Tempestt Bledsoe (Vanessa) som kordansarar.
- Scenen i Cosby Show vart parodiert i ein sketsj i Saturday Night Live med Barack og Michelle Obama (spelt av Fred Armisen og Maya Rudolph) som ein moderne Cosby-familie (med Jason Sudeikis sin Joe Biden som Theo og Amy Poehler sin Hillary Clinton som kordansar).
Joss Stone spelte inn ein versjon for ein reklame for Gap regissert av Peter Lindbergh (2005).
The Rolling Stones spelte ein kort versjon av songen på A Bigger Bang Tour (2005–07).
Songen vert nytta i filmen Girl, Interrupted (1999).

Kjelder

Denne artikkelen bygger på «Night Time Is the Right Time» frå Wikipedia på engelsk, den 17. august 2013.
- Wikipedia på engelsk oppgav desse kjeldene:

↑ Demetre, Jacques; Waterhouse, Don (1994). The Prewar Blues Story (liner notes). The Best of Blues Records. s. 25. BoB 20.
↑ Herzhaft, Gerard (1992). Encyclopedia of the Blues. University of Arkansas Press. s. 463. ISBN 1-55728-252-8.
↑ «Leory Carr – All Songs». allmusic. Henta 17. august 2013.
↑ ^4,0 ^4,1 Dahl, Bill (1996). All Music Guide to the Blues. Miller Freeman Books. s. 35–36. ISBN 0-87930-424-3.
↑ Whitburn, Joel (1988). Top R&B Singles 1942–1988. Record Research, Inc. s. 61. ISBN 0-89820-068-7.
↑ Tomko, Gene (2008). «The Right Time for Nappy Brown». Charlotte Magazine. Henta 17. august 2013.
↑ Whitburn 1988, s. 81.
↑ Whitburn 1988, s. 61.
↑ http://www.robertchristgau.com/get_artist.php?name=James+Brown

[1] Demetre, Jacques; Waterhouse, Don (1994). The Prewar Blues Story (liner notes). The Best of Blues Records. s. 25. BoB 20.

[2] Herzhaft, Gerard (1992). Encyclopedia of the Blues. University of Arkansas Press. s. 463. ISBN 1-55728-252-8.

[3] «Leory Carr – All Songs». allmusic. Henta 17. august 2013.

[Dahl-4] 4,0 ^4,1 Dahl, Bill (1996). All Music Guide to the Blues. Miller Freeman Books. s. 35–36. ISBN 0-87930-424-3.

[5] Whitburn, Joel (1988). Top R&B Singles 1942–1988. Record Research, Inc. s. 61. ISBN 0-89820-068-7.

[6] Tomko, Gene (2008). «The Right Time for Nappy Brown». Charlotte Magazine. Henta 17. august 2013.

[7] Whitburn 1988, s. 81.

[8] Whitburn 1988, s. 61.

[9] ttp://www.robertchristgau.com/get_artist.php?name=James+Brown

[1]

[2]

[3]

[4]

[5]

[6]

[7]

[8]

[9]