Marsipan

Tyske marsipan-«poteter».

Marsipan er ein konfekt laga av malne mandlar, melis og eggekvitar, som vert blanda og ofte forma til ulike figurer. Marsipan er ein opphavleg persisk eller arabisk matrett som i dag blir mykje bruka i nordafrikansk, iberisk, sentraleuropeisk og skandinavisk kultur. Marsipan vert ofte smaksett med saft eller sherry, og farga med konditorfargar. I Skandinavia høyrer heimelaga marsipanfigurar til det tradisjonelle julegodtet.

I Noreg og Danmark er ein marsipangris ofte premie til den som finn mandelen i grauten eller riskremen på julaftan.

Ordsoge

Opphavet til ordet er omstridd. Ordet vart lånt til tysk i det sekstande hundreåret frå italiensk marzapane. Det finst talrike spekulasjonar rundt opphavet til det italienske ordet:

• Marci panis; «Markus-brød» d.e. brød baka for den heilage Markus
• Martaban, ein burmesisk by, kan òg ha gitt opphav til namnet, sidan det vart eksportert søtsaker frå denne byen.
• Matapanus var på mellomalderlatin namnet på ein venetiansk mynt. Namnet skriv seg frå arabisk mauthaban 'sitjande konge', og mynten kan ha gjeve namn til konfekten.

Bakgrunnsstoff

Marsipan. Oppskrift i Kokebok på Wikibøker.