Elongasjon

Elongasjon er ein vinkelavstand, særleg vinkelavstanden til ein planet frå sola eller mellom ein planet og månen til planeten, sett frå jorda. Elongasjon kan for planetane innafor jordbanen berre nå ein viss, høgaste grenseverdi, for Merkur ca. 28° og for Venus ca. 46°. Elongasjonen til ein planet vert stundom òg definert som lengdeskilnaden til planeten frå sola. Fordi breiddene til planetnane alltid er små, er skilnaden på dei to definsjonane som regel ikkje viktig.

Elongasjonsperiode

Største elongasjonen til ein planet oppstår periodisk, med ein største austleg elongasjon etterfølgd av ein største vestleg elongasjon, og omvendt. Perioden er avhengig av den relative vinkelsnøggleiken til jorda og planeten, som sett frå sola. Tida det tar å fullføre ein periode er den synodiske perioden til planeten.

La T vere perioden (til dømes tida mellom to største austlege elongasjonar), ω vere relativt vinkelsnøggleik, ω_e jorda sin vinkelsnøggleik og ω_p planeten sin vinkelsnøggleik. Så

$T={2\pi \over \omega }={2\pi \over \omega _{p}-\omega _{e}}={2\pi \over {2\pi \over T_{p}}-{2\pi \over T_{e}}}={T_{e} \over {T_{e} \over T_{p}}-1}$

der T_e og T_p er jordåret og planetåret (altså tida det tar å gjere eit omlaup rundt jorda, kalla sideral periode).

Kjelder

• Denne artikkelen bygger på «Elongation (astronomy)» frå Wikipedia på engelsk, den 7. juni 2016.
  • Wikipedia på engelsk oppgav desse kjeldene:

• «Elongasjon», Store norske leksikon, 14. februar 2009, henta 26. mai 2016