Elektronvolt

Elektronvolt (symbol: eV) er ei måleining for energi. Éin elektronvolt er mengda energi eit fritt elektron vil få når det vert akselerert av ei elektrostatisk potensialdifferanse på éin volt. Eininga vert nytta i atom-, molekyl-, kjerne- og elementærpartikkelfysikk.

Eininga er svært lita og svarer til 1,602 × 10⁻¹⁹ J. Eininga eigner seg særleg for bruk i atomfysikk for å syne til bindingsenergien til elektron. I kjernefysikk nyttar ein ofte dei multiple einingane keV (kilo-) = 10³ eV og MeV (mega-) = 10⁶ eV. I elementærpartikkelfysikk nyttar ein GeV (giga-) = 10⁹ eV og TeV (tera-) = 10¹², medan ein i molekylfysikk nyttar meV (milli-) = 10^-3 eV og μeV (mikro-) = 10⁻⁶ eV.

BeV står får ein billion elektronvolt og er ein amerikansk namn for 10⁹ eV. Ein amerikansk billion tilsvarar norsk milliard. Det standardiserte internasjonale namnet er GeV, gigaelektronvolt.

Kjelder

• elektronvolt. () I Store norske leksikon. Henta frå: http://snl.no/elektronvolt