Den koreanske halvøya

Den koreanske halvøya
hangul 한반도, hanja 韓半島, Han Bando (brukt i Sør-Korea og Japan), hangul 조선반도, hanja 朝鮮半島, Chosŏn Pando (brukt i Nord-Korea, Japan og Kina)
halvøy
Satellittfoto av Koreahalvøya.
Land	Nord-Korea, Sør-Korea
Del av	Korea
Den koreanske halvøya 37.5°N 127°E / 37.5; 127
Kart som viser Den koreanske halvøya. Kart som viser Den koreanske halvøya.
Wikimedia Commons: Korea

Den koreanske halvøya eller Koreahalvøya er ei halvøy i Aust-Asia. Ho omfattar den gamle regionen Korea, i dag delt i statane Nord- og Sør-Korea.

Topografisk kart over Korea.

Den politiske delinga av Korea.

Halvøya strekkjer seg vel 1100 km frå det kontinentale Asia og sørover inn i Stillehavet. Ho er omkransa av Japanhavet i aust, Gulehavet i vest og Koreasundet i sør. Halvøya har ei grense på 1 416 km mot Kina og 19 km mot Russland på fastlandet i nord, og har ei maritim grense mot Japan i søraust. Mot Kina fungerer Yalu som grenseelv og renn ut i Koreabukta. I nordaust er grenseelva Tumen. Innanfor desse grensene utgjer halvøya eit areal på 220 874 km².

Den sørlege og vestlege delen av halvøya er flatt jordbruksland, medan landet i aust og nord er fjellrikt. Det høygaste fjellet er Paektufjellet (2744 moh.), som også er ein del av grensa til Kina. Fjellområde utgjer over 70 prosent av landarealet.

Politisk var halvøya lenge heim for den koreanske nasjonen, men sidan 1945 og Koreakrigen har ho vore delt i Nord-Korea og Sør-Korea. Denne delinga var meint å vera midlertidig, men har blitt permanent som følgje av våpenkvileavtalen som enda krigshandlingane.

Kjelder

• Denne artikkelen bygger på «Koreahalvøya» frå Wikipedia på bokmål, den 16. mai 2018.