Bluse
Bluse er ei nemning som har vore brukt om fleire typar klesplagg i form av tynne, livlange overdelar. Ordet «bluse» er frå fransk blouse, der det blir brukt om «bluse, kittel, busserull, arbeidsforkle». På engelsk blir blouse elles nytta om korte uniformsjakker.
Historie
[endre | endre wikiteksten]Opphavleg var blusar skjorteliknande klesplagg nytta som ytterplagg av franske bønder og arbeidarar. Den franske revolusjonen førte til at plagget blei meir utbreidd.[1]
Frå midten av 1800-talet blei blusen ein del av vestleg kvinnemote, og i dag blir ordet «bluse» hovudsakleg nytta om visse typar plagg for kvinner.[1] Ein skjortebluse liknar gjerne kneppeskjorte for menn, men skjorteblusar kan også vera meir pynta, til dømes med ein spesiell krage eller draperingar. Ein jakkebluse er ei jakke som i mange tilfelle kan minna om dressjakke for menn. Han kan likevel vera laga i mykje friare fargar enn ei dressjakke. Jakkebluse for kvinner blir også brukt i meir utstrekt grad ved daglegdagse høve.
Ein tynn genser kan også kallast bluse på norsk.
Sjå òg
[endre | endre wikiteksten]Kjelder
[endre | endre wikiteksten]- ↑ 1,0 1,1 «bluse» i Store norske leksikon, snl.no.
- Denne artikkelen bygger på «Bluse» frå Wikipedia på bokmål, den 9. november 2024.
Bakgrunnsstoff
[endre | endre wikiteksten]
- «DigitaltMuseum: Søk: 'bluse'». DigitaltMuseum.