Bill Koch

Bill Koch
Statsborgarskap	USA
Fødd	7. juni 1955 (69 år) Brattleboro
Idrett	langrenn, kombinert
Tok del i	cross-country skiing at the 1976 Winter Olympics, cross-country skiing at the 1980 Winter Olympics, Nordiske greiner under vinter-OL 1984, langrenn under Vinter-OL 1992, Ski-VM 1982

Bill Koch, fullt namn Willam Conrad Koch, (fødd 7. juni 1955) er ein USA-amerikansk tidlegare langrennsløpar som vann verdscupen i langrenn 1982, og tok OL-sølv på 30 km i 1976 og VM-bronse på same distansen i 1982. Koch vert hugsa som utøvaren som tok i bruk einfots-skøyting. Han er frå Brattleboro i delstaten Vermont.

Aktiv

Koch endra langrenn som idrett då han viste at einfots-skøyting lønte seg under visse tilhøve. Under Vinter-OL 1976 overraska han stort då han vann sølvmedaljen på opningsdistansen 30 km langrenn under vinterleikane i Seefeld, og sidan vart sjettemann på 15 km.

Dei neste åra nådde Koch heller sjeldan opp mot toppen av resultatlistene. Gjennom 1982-sesongen vann han derimot fire av dei ti renna i verdscupen, noko som gav han sigeren i verdscupen i langrenn 1982. Dessutan sikra han seg bronsemedaljen på 30 km under Ski-VM i Oslo. Også i 1983-sesongen prega Koch verdscuptevlingane med andreplass i Reit im Winkl, siger på tremila under prøve-OL i Sarajevo og ein tredjeplass i Anchorage, og dermed enda som tredjemann i verdscupen 1983.

Medaljar og besteplasseringar i internasjonale meisterskap og renn

• 1976: Sølvmedalje på 30 km og nr 6 på 15 km i Vinter-OL 1976 i Innsbruck
• 1978: Nr 7 på 15 km i Telemark i Wisconsin
• 1979: Nr 6 på 15 km i Telemark og Holmenkollen
• 1980: Nr 2 på 15 km i Reit im Winkl
• 1981: Nr 8 på 30 km i Falun
• 1982: Vinnar av verdscuprenn i Le Brassus, Aosta, Falun og Kastelruth
• 1983: Vinnar av 30 km i Sarajevo
• 1984: Nr 17 på femmila under Vinter-OL i Sarajevo

Kjelder

• Sportsboken, aktuelle årgangar