Suster OSF

Suster OSF ma töinia safönu "Kongregasi Suster Fransiskanes Sibolga OSF" no sambua wa'awösa fa'alowalangi si so bakha ba Gereja Katolik, ya'ia da'ö ira'alawe sangoniagö fa'aurira khö Keriso faoma hölu si lö mamalö (li Indonesia kaul kekal), irege lö mongambatö ira.

So ndra suster OSF andre ba mato ha'uga nahia ba Indonesia (Nias, Sumatera ba ba Jawa). Ba Danö Niha so ira ba Idanö Gawo, ba Gidö, ba Ombölata'ulu, Gunungsitoli ba ba Pulau Tello. Tuho halöŵöra ya'ia ba klinik, sekola (töra-töra TK), asrama ba famaeri ndraono si lö ama ba ina ma zui iraono ndra si lumana (li Indonesia "rumah yatim piatu").

I'otarai Juni 2023 dadaoma wamatörönia molo'ö huku Gereja ni'etu'ö Paus ba Uskup Sibolga so ba Ziboga.^[1]

Tebörögö wa'awösa ndra suster andre ba danö Jerman me 1848 ba dadaomania ba Reute am Bad Waldsee si so ba Baden-Württemberg, Jerman. Moroi ba da'ö muzawili ira ba danö Jerman, Brasil ba i'otarai 1964 ba Indonesia.

Tola ta'ila hadia samösa suster tefaböbö ba wa'awösa andre na labe'e furi döira OSF.

Basoŵa

Franziskanerinnen. Kloster Reute-Bad Waldsee. (= Veröffentlichungen des Stadtarchivs Bad Waldsee; Nr. 9) Eppe, Bergatreute 1994, ISBN 3-89089-024-5. (Li Jerman)

Khai-khai baero

OSF ba Sibolga/Nias: https://www.suster-osf.sibolga.org (Li Indonesia)
OSF ba Jerman: https://www.kloster-reute.de (Li Jerman)

Umbu

↑ Indonesische Schwestern werden eigenständig, drs.de, mufaigi me 27/09/2023. (Li Jerman).

[1] Indonesische Schwestern werden eigenständig, drs.de, mufaigi me 27/09/2023. (Li Jerman).

[1]