Faigi kode Suster

[[Berkas:Nun with a black headscarf Israel.JPG|jmpl|Samösa suster ba Israel]]
'''Suster''' (asese tesura ia adogo-dogo Sr.) no töi fogaoni khö ndra'alawe bakha ba [[Gereja Katolik]] si tefaböbö ba sambua wa'awösa religius nifotöi [[Ordo (religius)|Ordo]] ma zui [[Kongregasi]]. Oya ndra Ordo ma Kongregasi ndra suster andre ba Danö Niha. So Kongregasi ndra [[suster SCMM]] ba Bintang Laut, [[Telukdalam]], ba Jln. Karet, [[Gunungsitoli]], ba [[Tuhemberua]] ba ba [[Lahewa]]; so Kongregasi ndra [[suster OSF]] ba [[Idanögawo]], ba [[Gidö]], ba [[Ombölata'ulu]], [[Gunungsitoli]] ba ba [[Pulau Tello]]; so Ordo ndra suster OSCap (Klaris Kapusines) ba Biara Suster Klaris ba [[Gunungsitoli]]; so Kongregasi ndra [[suster CB]] (Carolus Borromeus) ba [[Mandrehe]], Nias Barat.

To'ölö ta'ila mohalöŵö ira ba zekola simane ba [[SMP Bintang Laut|SMP]]/[[SMA Bintang Laut]] ba Telukdalam, ba [[TK Cendrawasih|TK]]/[[SD Mutiara|SD]]/[[SMP Bunga Mawar|SMP]] Katolik ba Gunungsitoli awö ba klinik simane ba [[RSU Stella Maris|RSU Stella Maris]] ba Telukdalam, ba [[Klinik Tabita]] ba Gunungsitoli, awö [[Klinik St. Carolus]] ba Mandrehe.

Baero da'ö so göi ndra suster simane ira [[Suster Klaris Kapusines]] ba Gunungsitoli, samazökhi roti ni'gouna'ö bakha ba [[misa]] ma [[Ekaristi]] awö mbaru sebua ni'oguna'ö ndra ere Katolik (so ösa göi fandrita Protestan zangoguna'ö mbaru sebua moroi khö ndra suster andre).

So Kongregasi ma Ordo ndra suster bakha ba [[Gereja Katolik]], [[Gereja Anglikan]], [[Gereja Metodis]], [[Gereja Ortodoks]] ba bakha ba [[Gereja Lutheran]].

== Töi suster ==

Töi ''suster'' tehalö moroi ba li [[Jerman]]. ''Suster'' eluahania talifusö ira alawe. Ba wolo'ö ni'oroi'ö Yesu samösa me imane, "Ba böi ndramube'e töimi zamahaö, ha sa samösa zamahaö ya'ami, ba ''si fatalifusö ami fefu''" ({{SN|Mat|23|8}}), andrö wa oi lakaoni nawöra ya'ira si tefaböbö ba wa'awösa fa'alowalangi andrö ''suster'', eluahania talifusö.

Sito'ölönia la'oguna'ö wogaoni ''suster'' andre ya'ira fa'awösa fa'alowalangi soroi ba [[Jerman]] ba moroi ba [[Belanda]]. Ira fa'awösa tanöbö'ö soroi ba negara sangoguna'ö li [[Inggris]] la'oguna'ö wogaoni ''sister'' si fagölö eluaha. Bahiza no to'ölö ba [[Indonesia]] ba ba [[Tanö Niha|Danö Niha]] wa tekaoni ''suster'' fefu ndra alawe si tefaböbö ba wa'awösa fa'alowalangi.

Fangoguna'ö bö'ö wogaoni ''suster'' faigi mitou zanandrösa ba wogaoni ndra samaeri zofökhö ba nomo zofökhö.

== Hölu si lö mamalö ==

So tölu hölu si lö mamalö (li Indonesia "kaul kekal") nifaluara ena'ö tetema'ö ira bakha ba wa'awösa andrö, ya'ia da'ö hölu fa'alumana (li Indonesia "kemiskinan"), hölu falö-mangowalu (li Indonesia "kemurnian") ba hölu falöfaröi (li Indonesia "ketaatan").<ref>{{Cite web |url=https://www.vatican.va/archive/ENG1104/__P4E.HTM |title=Code of Canon Law, canon 1191 §1 |access-date=16 March 2020 |archive-date=4 November 2011 |archive-url=https://web.archive.org/web/20111104124158/https://www.vatican.va/archive/ENG1104/__P4E.HTM |url-status=live }}</ref>

Faoma hölu '''fa'alumana''' la'oroma'ö wa lö okhötara zamösana ira. Fefu nisöndrara ba wangalui tetou'ö khö [[Kongregasi]] ma [[Ordo (religius)|Ordo]] si tefaböbö ira.<ref name=kaul>[https://www.katolikana.com/2022/12/05/3-kaul-dalam-hidup-membiara-apa-saja-ini-penjelasan-suster-margareta-indar-wulandari-sjd/ 3 Kaul dalam Hidup Membiara Apa Saja?], katolikana.com, mufaigi me 27/09/2023. {{id}}.</ref> Lahalö khöra ha nitehegö khöra bakha ba wa'awösa andrö. Lalau da'a si tobali tandra wolohira duma-duma ndra niha Keriso si föföna nitutunö bakha ba Halöŵö Zinenge 2:45.

Faoma hölu '''falö-mangowalu''' la'oroma'ö wa sindruhu ha sambua dödöra ba wolo'ö [[Keriso]] ba börö da'ö laröi wa'auri fongambatösa.<ref>[https://www.vatican.va/archive/ENG0015/__P85.HTM "Male and Female He Created Them"], Catechism of the Catholic Church Chap. 2, Art. 6, I.. Mufaigi me 27/09/2003. {{en}}.</ref>

Faoma hölu '''falöfaröi''' la'oroma'ö wa ya'ira sindruhu labali'ö ira nifahaö solo'ö gofu hadia nifatörö Lowalangi khöra ba wa'aurira, nifa'ema khö ndra sondrönia'ö [[Kongregasi]] ma [[Ordo (religius)|Ordo]] andrö. Duma-duma khöra [[Keriso]] sangositengagö fa'aurinia ena'ö tola ifalua zomasi Nama.<ref name=kaul />

== Fangoguna'ö bö'ö ==

Asese göi lakaoni ndra ''perawat'' (li Indonesia) faoma suster ba Indonesia. Alua da'a börö me ba zi lalö so Indonesia barö wamatörö [[Belanda]] ba ba li Belanda lakaoni ''perawat'' faoma ''Zuster'', si tobali suster ba li Indonesia. Tradisi wogaoni ndra ''perawat'' faoma suster andre tebörögö ba götö nifotöi ''Abad Pertengahan'' ba Eropa me tebörögö ''sistem'' wamaeri zofökhö ba gödo zofökhö (li Indonesia ''[[rumah sakit]]''). Me luo da'ö to'ölö mohalöŵö ndra suster si tefaböbö ba [[Kongregasi]] ma [[Ordo (religius)|Ordo]] ba wamaeri zofökhö ba ''rumah sakit''.<ref>Olwen Hufton, ''The Prospect before Her. A History of Women in Western Europe, 1500–1800'' (1995), nga'örö 382–84. {{en}}</ref>

== Faigi göi ==

* [[Frater]]
* [[Bruder]]
* [[Ordo (religius)|Ordo]]
* [[Kongregasi]]

== Khai-khai baero ==

* Suster SCMM: https://www.scmm.or.id (oya nahia ba Danö Niha)
* Suster OSF: https://www.suster-osf.sibolga.org (oya nahia ba Danö Niha)
* Suster CB: http://www.sustercb.com (Mandrehe)
* Suster KSFL: https://www.susterksfl.org (Fodo, Gunungsitoli)
* Suster Klaris: https://klarisindonesia.blogspot.com (Gunung Suci, Gunungsitoli)

== Umbu ==

<references />

[[Kategori:Agama]]
[[Kategori:Gereja Katolik]]
[[Kategori:Niha Keriso]]