Slaapmüüs
| Slaapmüüs | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Gliridae | ||||||||||
| Thomas 1897 |
De Slaapmüüs (Gliridae) sünd ene Familie vun Myomorpha.
De Slaapmüüs hebbt en Körperläng twischen 6 un 19 Zentimeter un en Steert vun twischen 4 un 16 Zentimeter. En Kennteken is de lange buschige Steert. De Ogen sünd temlich groot, de Uhren lütt un rund.
Slaapmüüs leevt in Europa, Asien un Afrika in Bööm un Büsch. Je na ehr Levensruum slaapt se in’n Winter oder in de Dröögtiet. In’e Nacht gaht se op Söök na Nohren. In ehr Verhalten un ok Utsehn ähnelt se de Ekers. Lieks as de freet se Nööt, Frücht un Insekten, aver ok mal Vageleier un Jungvagels.
Bi den wetenschoplichen Naam vun de Familie geev dat en beten Dörenanner, denn blangen den Naam Gliridae weer ok Myoxidae in Bruuk. Dat keem vun den Naam vun den Sövensläper. Den sien Gattungsnaam warrt mal mit Glis un denn mit Myoxus angeven. Glis is de öllere Naam un gellt dormit na ICZN-Richtlienen. Wilson un Reeder argumenteert aver, dat de Naam in en Wark mit nich binominale Nomenklatur bruukt worrn is un gellt dormit gor nich; de mehrsten Warken harrn sik disse Argumentatschoon anslaten, as de ICZN 1998 mit en Scheedssprook den Striet en Enn setten dei. In Fall 1894 hett se fastsett, dat Glis de rechte Naam is, un dormit ok Gliridae för de Familie. De Namen Myoxus und Myoxidae warrt nu gor nich mehr bruukt.
Wilson un Reeder ünnerscheedt dree Ünnerfamilien. En fröher bruukte veerte Ünnerfamilie, de Platacanthomyinae, warrt nu bi de Langsteertmüüs inornt.
- Ünnerfamilie Graphiurinae
- Afrikaansche Slaapmüüs (Graphiurus)
- Ünnerfamilie Gliridae
- Japaansche Slaapmuus (Glirulus)
- Hasselmüüs (Muscardinus)
- Sövensläper (Glis)
- Ünnerfamilie Leithiinae
Literatur
[ännern | Bornkood ännern]- Ronald M. Nowak: Walker’s Mammals of the World. Johns Hopkins University Press, 1999 ISBN 0801857899
- Don E. Wilson, Deeann M. Reeder: Mammal Species of the World: A Taxonomic and Geographic Reference. Smithsonian Books, 1993 ISBN 1560982179