Organisatschoon för Weltgesundheit
De Organisatschoon för Weltgesundheit (engelsch: World Health Organization, WHO) is en Behörde vun de Vereenten Natschonen (UN) un is tostännig för de internatschonale allgemeene Sorg för Gesundheit. Dor hannelt sik dat um een vun de „Sunnerorganisatschonen vun de Vereenten Natschonen“. Sitten deit se in Genf in de Swiez. Grünnt wurrn is se an’n 7. April 1948. Hüdigendags höört dor 194 Staten as Liddmaat mit to. Vun Juli 2017 af an is Tedros Adhanom Ghebreyesus ut Äthiopien ehr Baas un Generaldirekter.
Wat se sik vörnahmen hett
[ännern | Bornkood ännern]In de WHO ehre Verfaten is fastleggt, se scholl sik dorachter klemmen, för all Minschen bi den besten möglichen Tostand vun ehre Gesundheit antokamen. Sunnerlich schall se gegen all Süken gegenangahn, ganz besunners gegen Süken, de mit en Infektschoon tosamenhangt. Bovenhen schall se weltwiet de allgemeene Gesundheit vörut bringen.
Regionalkontoren
[ännern | Bornkood ännern]
De sess regionalen Kantoren sitt in düsse Städer:
- Brazzaville (Region Afrika)
- Kairo (Region Ööstliche Middellannsche See)
- Kopenhagen (Region Europa)
- Manila (Region Westlichen Pazifik)
- Nee-Delhi (Region Süüdoostasien)
- Washington, D.C. (Region Amerika)
Elk Regionalkantor hett as Baas en Regionaldirekter. De warrt vun’n Regionalutschuss fört fiev Johre wählt.
Weblenken
[ännern | Bornkood ännern]
Organisatschoon för Weltgesundheit. Mehr Biller, Videos oder Audiodateien to’t Thema gifft dat bi Wikimedia Commons.