Hans Rebel
Hans Rebel (* 2. September 1861 in Hietzing; † 19. Mai 1940 in Wien) weer en öösterrieksch Entomoloog, de sück besünners mit Bottervagels befaat hett.
Leven
[ännern | Bornkood ännern]Rebel studeer van 1881 bit 1885 Jura an de Universität Wien un kreeg 1886 sien Doktertitel (Dr. jur.). He gung in den Justizdeenst un weer af 1891 Richter. Dorneben hett he sück mit Bottervagels befaat un wurr anerkannt Experte för Lüttbottervagels. 1893 geev he sien juristisch Loopbahn up un gung as wetenschaplich Hülpsarbeiter an dat Naturhistorische Hofmuseum in Wien un studeer an de Universität Wien Zoologie, wat he mit en Doktertitel 1895 afslooten hett. 1896 wurr he Assistent an dat Naturhistorsch Museum, 1904 Kustosadjunkt un later Kustos in de Bottervagelsammlung (deren Leiden he vun Alois Friedrich Rogenhofer övernehm), de he systematisch utbauen dee. 1898 wurr he Privatdozent an de Hoochschool för Boddenkultur un 1906 kreeg he den Titel außerordentlicher Professor. 1923 wurr he an dat Naturhistorisch Museum Direkter vun de Zoologisch Sammlung un 1925 vun dat ganz Museums. 1921 wurr he all Hoffraat.
He hett utdehnt Sammelreise up den Balkan, in Grekenland, Kreta un up de Kanaren ünnernommen, hett aber ok de Sammlungen vun anner Entomologen bearbeit, so de vun Rudolf Grauer ut Afrika. Vun hüm stammen tallriek Eerstbeschrieven un rund 300 Publikatschonen un he hett sück ok mit fossilen Insekten befaat. Mit Otto Staudinger geev he 1901 den Catalog der Lepidopteren des palaearctischen Faunengebietes herut.
Weblenken
[ännern | Bornkood ännern]
- F. Kasy: Hans Rebel In: Österreichisches Biographisches Lexikon 1815–1950 (ÖBL). Band 9, Verlag der Österreichischen Akademie der Wissenschaften, Wien 1988, ISBN 3-7001-1483-4, S. 1 f.
- Tschechisch Biographie