Dèventer
Dèventer (ook Deaventer, hollandsch Deventer) is ene Hansestadt in de Nedderlannen. Se höört to de Gemeen Dèventer, de 97 774 Inwahners hett. Se liggt an de IJssel in de Provinz Oaveriessel. Dat kann ween, dat de Naam vun Daventry in England kömmt. Dor befinnen sick 3 Stadtparks. De Grote oder Lebuïnuskark un de Bargkark sünd gootsche Karken mit romaanschen Influss. Dèventer is ene linke Stadt. Dèventer is ene ole Bookdruckstadt. Noch vundaag warrn in de Gemeen Bööker herutgeven.
Historie
[ännern | Bornkood ännern]Wahrschienlich gründ'te de angelsassische Missionaar Lebuïnus, de later een Hilligen verklort warr, Dèventer. Wo vundaag de Lebuïnuskark staht, gründ'te he ene Holtkark. 882 warr Dèventer vun Wikinger plünnert.
Dèventer is ene vun de öllste Städer in de Nedderlannen. Dèventer kreeg üm un bi't 11. Johrhunnert de Stadtrechten. Dèventer bleef een religiöset Zentrum in't Bisdoom Utrecht. In de tweede Hälft vun't Medelöller kreeg Dèventer düütsche kaiserliche Priviliegien. Wahrschienlich in't 13. Johrhunnert warr Dèventer ene Hansestadt. De Stadt harr Hannelsverbinnen ok nah Öösterriek, Norwegen un England. Nich toletzt mit Bargen in Norwegen un Schonen, wat denn to Däänmark höörde, geev dat Verbinnen. In't Medelöller warr ene Latienschool gründ't, wo Thomas a Kempis Schööler weer. De Rekter vun 1483 bet 1493, Alexander Hegius hett dat Fack Greeksch inföhrt, wat een Unikum weer. 1477 kehm de eerste Bookdrucker, Pafreat. Ene körte Tiet weer Dèventer nah Antwarp un Amsterdam dat wichtigste Hannels- un Finanzzentrum in de Nedderlannen. De Stadsarchief en Athenaeumbibliotheek is de öllste wetenschopliche Bökeree in de Nedderlannen. Bet 1944 löppden Stratenbahnen in de Stadt. In den Tweeten Weltorlog warr de Stadt vun de Aliieerden bombardeert.