Boris Jewsejewitsch Tschertok
Boris Jewsejewitsch Tschertok, russ: Борис Евсеевич Черток; * 1. März 1912 in Łódź, Polen; † 14. Dezember 2011 in Moskau, Russland) weer en sowjeetsch Raketenkonstrukteur un Weltruumpionier mit en wichtig Rull in de Historie vun de Ruumfohrt.
Leven
[ännern | Bornkood ännern]Tschertok wurr as Söhn vun russch Öllern boren. De Familie is 1914 wiels den Eersten Weltkrieg nah Moskau flücht. 1929 hett Tschertok de Middelschool afslooten un hett sück ahn Spood an de elektrotechnisch Fakultät vun de Moskauer technischen Hoochschool bewurben. Dorup hen hett he as Elektromonteur in en Floogtüüchfabrik arbeit un wurr dor nah twee Johren in de Komsomolleitung wählt. 1935 weer he Baas vun dat Konstruktschoonsbüro un speel en Slötelrull bi de Entwicklung vun de Elektronik för en sowjeetsch Polarexpeditschoon. Tschertok keem eerstmals mit Raketen in Beröhren, as he an en Zünd- un Kontrollsystem för den Andriev vun dat Raketenfloogtüüch BI-1 arbeiten dee. In’April 1945 wurr Tschertok nah Düütschland schickt, um de düütsch Raketentechnologie uttokundschaften. Dor keem he to’n eersten Mal in Bleicherode mit Sergei Koroljow in Kuntakt un in’ August wurr he de sien Büro OKB-1 todeelt, wo he sück besünners um de Stüeren vun Raketen kümmern dee. He bleev bit Januar 1947 in Düütschland. Dornah wurr he to de jüst entstahn Ruumfohrtkomplex in Kapustin Jar verleggt. Van 1956 bit 1992 weer he stellvertreden Chefkonstrukteur vun Koroljows sien Konstruktschoonsbüro bzw. deren Nahfolger.
Tschertok speel in de sowjeetsch Ruumfohrt en Slötelrull, so hett he ünner annern an dat Kontrollsystem vun de eerst Interkontinentalrakeet R-7, de eerst bemannten Rakeet Wostok un Sojus-Rakeet arbeit. He hett aber ok an dar Drievwarkkontrollsystem KORD vun de vun Unglück verfolgt N-1 arbeit.
Schriften (Utwahl)
[ännern | Bornkood ännern]- B. Tschertok: Gagarins Flug begann in Bleicherode, Elbe-Dnjepr-Verlag, Klitzschen, 2005, ISBN 3-933395-71-2
- B. Tschertok: Raketen und Menschen - Deutsche Raketen in Sowjethand. ISBN 3-933395-00-3
- B. Tschertok: Raketen und Menschen - Der Sieg Koroljows. ISBN 3-933395-01-1
- B. Tschertok: Raketen und Menschen - Heiße Tage des kalten Krieges. ISBN 3-933395-02-X
- B. Tschertok: Raketen und Menschen - Die Jagd um den Mond. ISBN 3-933395-04-6
Weblenken
[ännern | Bornkood ännern]- Encyclopedia Astronautica: Biografie (engelsch)
- Encyclopedia Astronautica: Uttüüg ut Tschertok sien Daagböker (engelsch)
- DNB-Katalog
- Personennaamdatei