Benny Powell
Benjamin Gordon „Benny“ Powell (* 1. März 1930 in New Orleans, Louisiana; † 26. Juni 2010) weer en US-amerikaansch Jazz-Basuunist.
Leven un Wark
[ännern | Bornkood ännern]Powell, de all in fröh Johren sien Vader verloren hett, wurr all fröh dör de Musik vun de Marching Bands un Paraden präägt. He speel eerst Slagtüüch un fung de mit twalf Johren an, Basuun to spelen, nahdem hüm sien Unkel dat Instrument besörgt harr. He hett blots för en lütten Tied dat Alabama State Teacher’s College besöcht un gung denn mit lokalen Bands up Tourneen. Sien eerst professionellen Job harr he mit 14 Johren bi de Truppenbetreuuung. Mit 16 Johren weer he een Johr lang Liddmaat vun King Kolax´;dornah hör he bit 1947 Ernie Fields´ Territory Band in Tulsa an. Van 1948 bit 1951 hett he bi Lionel Hampton arbeidt. Sien fröh Vörbild weer de Basuunist J. J. Johnson; to sien Förderer in de Hampton-Band hörr Betty Carter, de hüm Moot makt hett, Bebop to spelen. Anfang 1951, nah en Gastspeel in Ottawa, hett Powell dat orchester vun Hampton verlaaten un leev eenig Tiet in Hull (Québec). Dornah truck he nah New York un is in dat Apollo Theater in de Band vun de Saxophonisten Joe Thomas uptreden, to de ok Charlie Fowlkes hörrn dee. De wedderum hett hüm wieder an Count Basie empohlen, de en nee Big Band tosommenstellen dee.
Van Oktober 1951 bit 1963 weer he Liddmaat vun dat Count Basie Orchestra. He wark bi de sien Upnahmen för Clef un Roulette un den Erfolgstitel „April in Paris“ 1955 as Solist mit. In disse Tiet entstunnen ok Upnahmen mit lüttgere Ensembles, so mit Buck Clayton 1953, bi en vun Frank Wess un Osie Johnson leit Session as ok mit Donald Byrd un Gigi Gryce (Jazz Lab-Sessions) Enn vun de 50er Johren.
In de 1960er un 1970er Johren hörr he de Duke Pearsons Big Band un de Thad Jones-Mel Lewis Jazz Orchestra (Berkeley Jazz Festival 1968) an, speel in Orchesters an‘ Broadway un hett sülvst eegen Bands leit. Teihn Johr lang wark he in dat Orchester vun de Merv Griffin Show in Hollywood mit un arbeit do ras Studiomusiker, bevör he in de fröh 1980er Johren nah New York City gung, wo he sietdem mit Musikers as Abdullah Ibrahim, John Carter un Randy Weston arbeiten dee. He hörr to de Förderers vun Jane Jarvis, de eerst mit 70 Johren anfung, Platten uptonehmen. Powell hett ok as Jazzlehrer bi Jazzmobile un an de New Yorker New School as ok as Musikmanager arbeit.
Ehrungen
[ännern | Bornkood ännern]Benny Powell is in de American Jazz Hall of Fame upnommen wurrn.
Literatur
[ännern | Bornkood ännern]- Carlo Bohländer: Reclams Jazzführer, 1989