Mingde gevechtskeunsten

Mingde gevechtskeunsten (staot ok wel bekend onder 't Ingelse akroniem: MMA - "Mixed Martial Arts" of Cage Fighting) is een vechtsport waor verschillende elementen uut aandere vechtsporten saemenvoegd bin en waor ok et antal regels aorig beparkt is. Veulal hebben de dielnemers toond dat ze de beste bin in heur eigen discipline en zien een uutdaeging in et treffen mit vechters uut aandere disciplines. Een bekende vorm van mingde gevechtskeunsten is et van oorsprong Braziliaanse vale tudo.

Veeruut de meeste vechters hebben een aachtergrond in et Thai- of kickboksen, (Braziliaans) jiujitsu of Greco-Roman Wrestling. Disse stielen bin et meest effektief bleken. Karateka's of aandere beoefeners van 'tredisionele' vechtstielen bin deurgaons niet zo suksesvol vanwegen de (vaeke) te ienziedige meniere van vechten. Boksers bin deurgaons ok niet zo suksesvol, omdat et rippetoire vaeke niet varieerd genog is.