Bussum

	Veurmaolige gemeente Bussum
	; Lokasie van de veurmaolige gemeente Bussum
	Informasie
Provinsie	Noord-Holland
Heufdplaotse	Bussum
	Geografie en bevolking
Oppervlakte; - Laand; - Waoter	8,10 km²; 8,04 km²; 0,06 km²
Antal inwoeners; Inwoeners per km²	32.870 (31 des 2014); 4088 inw./km²
Koordinaten	52° 17′ N, 5° 10′ O
	Overig
Belangrieke verkeersaoders	N9
Netnummer	072
Poskodes	1860-1873, 1930-1935
	Op-egaon in Gooise Meren

Bussum is ne plaatse en vroggere gemeente eleggen in t zuudoosten van de Nederlaanse provinsie Noord-Holland. Bussum is in jannewaori 2016 op-egaon in de ni'je gemeente Gooise Meren.

Geschiedenis

Bussum was lange tied n onbelangriek darpsken op de Gooise heed, veur t eerst eneumd in 1306. t Was n naoberschop, umgaeven deur heed en wold en worden bewond deur boeren, veurleden en schaopherders, later ok spinsters en waevers. t Wordt an-enommen dat den name ofkump van Bos-hem (en neet Bos-heim, zo as ne plaatselike tennisveraeniging eneumd is), wat "huus in t wold" betaekent. t Darp lag bi'j den verstarkten vesten Naarden en wierd vanof 1369 deur Naarden bestuurd. In 1470 wonden der rondum de 250 leu. Bussum was daormet t kleinste darp in t Gooi.

Ni'je tied

Nao 1700 was de ofgraovink van de hoge gronden rondumme Naarden nen belangrieken bron van inkomsten. Deur disse ofgraovink kreg Bussum ziene heugteverschillen. Deur achterstelling deur de stad Naarden kozzen de bi'jnao 300 leu in Bussum veur n eigen bestuur in 1795 tiedens de Franse revoluutsie. Vanof 1817 mocht t darp zich offisieel onofhankelik neumen.

Opni'j samengaon

Der was in 2016 weer ne 'gemeentelike herindaeling' in t Gooi en Vechtstreke. De gemeenten Bussum en Naarden bunt now opni'j samen egaon, met de gemeente Muden derbi'j. Den wens laefden al langer bi'j inwonners, umdat Bussum en Naarden an mekaar vastegreuit bunt.

Uutgaonde verwiezingen

Dit artikel is eskreaven in et achterhooksk, in de Algemene Nedersaksiese Schriefwieze.