Alm
Alm (Nederlaands: Almen) is n darp dat deel oetmek van de gemeente Lochem in de Nederlandse previnsie Gelderland. Alm hef 1199 inwonners (1 januari 2008). Tot 1 januari 2005 heurden t darp bi-j de gemeente Gossel.
De darpskern ligt tussen t Twaentekanoal en de Berkel. In t darp ligt t openlochzwembad 'de Berkel' en met name in de zommer is t darp en de umgaeving geleefd bi-j toeristn. t Darp ligt tussen landeri-jen en bossen zoas het landgood Velhorst en kent n laevendig verenigingslaeven. Op t landgood Velhorst wonden in de 19e eeuw den bekenden hoogleraar Allard Pierson. t Prottestantse karkje oet de 14e eeuw bevat ne crypte met emummificeerde lichaamn, net as in het Friese Wieuwerd, maar disse bunt neet te bezichtigen. Den doopvont is zeer bi-jzunder en bi-j gebrek an vergeliekingsmateriaal wet ze neet hoo old e precies is. Schattingn variëert van 800 tot 1400 noa Christus. De aerste vermeldingn van Alm komt veur in de lieste van bezittingn van Graaf Hendrik van Dale oet 1188.
De spoorn van den dichter Staring, den n groot deel van zien laeven hef deurebracht op kasteel den Wildenborch bi-j Vodden en ziene bi-jdrage probeerden te levern an de veuroetgang van den landbouw, bunt nog good zichtboar. Dat zien streven naor modernisering em neet altied in dank afenommen wodden, verwoordt e in zien gedicht 'De Hoofdige Boer' (hoofdig = koppig). Net boeten t darp steet bi-j de brugge dee in t gedicht bezongen wöd, n bordjen met veer regels oet et gedicht:
Eens was het anders hier ter stee Wanneer een voort de weg doorsnee En 't brugje, naast dien voort geleid De smaad droeg van zijn nieuwigheid
Oetgoande verwiezingen
[bewark | bronkode bewarken]
| Plaatsen in de gemeente Lochem |  | ||||||||
|---|---|---|---|---|---|---|---|---|---|
|