جورج ارول

جورج ارول شخصی معلومات بزا-روز 25 ژوئن 1903 موتهاری (en) بمردن ۲۱ ژانویه ۱۹۵۰ مِزار Church of All Saints cemetery (en) بزا نوم Eric Arthur Blair مستعار نوم George Orwell ملیت انگلیسی-هندی اقامت Barnhill (en) (۱۹۴۶ – ۱۹۵۰) — لندن — پاریس مدرسه دانشگاه آیتون (fa) Wellington College (en) St Cyprian's School (en) گپ‌بزن زوون انگلیسی — فرانسوی بنویشتن زوون انگلیسی دوره شروع ۱۹۳۵ تا ۱۹۴۹ جه پیشه نویسنده، رمان‌نویس قومی-مذهبی تعلقات مردم انگلستان (fa) همسر Eileen O'Shaughnessy از (۱۹۳۵-۱۹۴۵) سونیا برانل (۱۹۴۹-۱۹۵۰) وچون Richard Blair (en) فامیل Ellen Kate Limouzin (en) عمه-خاله دیگر معلومات سیاسی حزب Independent Labour Party (en) (۱۹۳۸ – ۱۹۴۰) ایدئولوجی سوسیالیسم عضو حزب اتحاد مارکسیستی کارگران اسپانیا (fa) نظامی چلّه تیپ‌های بین‌المللی (fa) جنگ که دیّه ایسپانیای دله یی جنگ (۱۹۳۷ – ۱۹۳۷) جهونی جنگ دوم جوایز  Retro Hugo Award for Best Novella (en) (۱۹۹۶) , برای «مزرعه حیوانات (fa) »  Hugo Award for Best Novella (en) (۱۹۹۶) , برای «مزرعه حیوانات (fa) »  Prometheus Award - Hall of Fame (en) تلمبار جا Birkbeck Library Archives and Special Collections, University of London (en) Lilly Library (en) مهمترین کارون   لیست… The Lion and the Unicorn: Socialism and the English Genius (en) (۱۹۳۳) آس و پاس‌ها در پاریس و لندن (fa) (۱۹۳۴) دختر کشیش (fa) (۱۹۳۴) روزهای برمه (fa) (۱۹۳۶) به آسپیدیستراها رسیدگی کن (fa) (۱۹۳۷) ژرفنا: جاده‌ای به‌سوی اسکله ویگان (fa) (۱۹۳۸) درود بر کاتالونیا (fa) (۱۹۳۹) هوای تازه (fa) (۱۹۴۵) مزرعه حیوانات (fa) (۱۹۴۶) Politics and the English Language (en) (۱۹۴۶) Why I Write (en) (۱۹۴۸) ۱۹۸۴

اریک آرتور بلر (انگلیسی جه: Eric Arthur Blair) با موستعار اسم جورج اورول (به انگلیسی: George Orwell) (بزائهٔ ۱۹۰۳ - بمردهٔ ۱۹۵۰) اتا انگلیسی نویسنده و روزنومه‌نویس بی‌یه.

وه که خله فقر جه بَد داشته، اتا سوسیالیست بی‌یه که کمونیستی دولِتون جه بَدِش اِمو. ونه کتابون دله بَنشِنه این موضوع ره بفهمستن. ونه سبک نویسندگی دله «ضد اَرمون شهر» نوم دانّه که یعنی وه نَخاش‌ترین اوضاعی که دِنیا بتونده داره ره وصف کانده.

بیوگرافی

اریک بلر سال ۱۹۰۳ بیهار ِموتیهاری دله هند ِکشور درون دنیا بموئه. همون اوایل شه خانواده همراهی بورده انگلیس. سال ۱۹۲۲ تا ۱۹۲۷ میانمار ِپلیس وسّه کار کرده. طبقاتی اختلافاتی که این کشورون دله دی‌یه، فقر ِمعنی ره ونه وسّه روشِند هاکرده و همین مسئله ونه وسّه مهمترین موضوعی هسته که کتابون دله یارده. وه که خاسته فقیری جه ویشته بدونه، ات‌که وشون دله زندگی هاکرده و شه خاطرات ره اتا رمان دله بنویشته که آس و پاس‌ها کتاب درون دَره.

اورول خله از نویسندئون و روشنفکرون چپگرای شه زمون واری، دهه ۱۹۳۰ بورده ایسپانیا تا فاشیستون (ژنرال فرانکو) جه ایسپانیای دله یی جنگ سره بجنگه. وه این جنگ دله مجروح بیّه و هیچ‌گادر کاملا خار نیّه و همین زخم به همراه مریضی سِل بینه که آخرسری وه ره بکوشتنه. وه اون جنگ اوضاع و احوال ره اتا کتاب دله بنویشته که ونه نوم ویوا کاتالونیا هسته.

ونه معروفترین کتابون جه حیوانات مزرعه هسته که ونه دله اتا کامل ِتوصیف ره شوروی جه بیارده و این کتاب چن سالی بریتانیا دله سانسور بی‌یه. وه وصیت هاکرده که ونه لاش ره بَسِّنِن و ونه کِلین ره اتا دور ِدهات دله چال هاکنِن که هِچکی وه ره نِشناسه.

وه ره خله چایی، مشروب و سیگار جه خِش اِمو و اینان کارها دله معروف بی‌یه.

۱ ژوئیه ۲۰۱۴ سِرِه‌یی که ونه دله دِنیا بمو ره، هند دله اتا موزه هاکردنه.

آثار

• آس و پاس‌ها (۱۹۳۳)
• میانمار ِروزها (۱۹۳۴)
• کشیش ِکیجا (۱۹۳۵)
• آسپیدیسترائون جه بَرِس (۱۹۳۶)
• جاده به سوی ویگان اسکله (۱۹۳۷)
• درود به کاتالونیا (۱۹۳۸)
• ترنه هوا (۱۹۳۹)
• حیوانات قلعه (۱۹۴۵)
• ۱۹۸۴ (۱۹۴۹)

منبع

• انگلیسی ویکی‌پدیا