L Princepico

Le Petit Prince, coincido cumo O Principezinho an Pertués i L Princepico an Mirandés, ye un remance de l scritor francés Antoine de Saint-Supéry (29 de júnio de 1900, Lyon - 31 de júlio de 1944, Mar Mediterráneo), publicado an 1943 ne ls Stados Ounidos. A percípio, aparentando ser un lhibro para ninos, ten un grande teor poético i filosófico. Ye l lhibro francés mais bendido ne l mundo, cerca de 80 milhones d'eisemplares, i antre 400 a 500 eidiçones. Tamien se trata de la terceira obra lhiterária (sendo la purmeira la Bíblia i la segunda l lhibro l peregrino) mais traduzida ne l mundo, tenendo sido publicado an 160 lhénguas ó dialetos, ancluindo an Mirandés.

An Pertual, "O Principezinho" antegra l cunjunto d'obras sugeridas para lheitura antegral, na deciplina de Lhéngua Pertuesa, ne l 2º Ciclo de l Ansino Básico.

Ne l Japon hai un museu pa l personaige percipal de l lhibro, un moço sonhador de pelos lhouros i cascol burmeilho.

Adataçones

Un filme musical chamado The Little Prince fui feito baseado ne l lhibro i lhançado an 1974.
Na década de 80 fui lhançada ua série de zeinhos animados chamada Las Abinturas de l Pequeinho Príncepe. La série fui feita pul stúdio d'animaçon "Bóbó Chantre" i fui al aire pula purmeira beç ne l Japon an 1978 sob l títalo Modelo:Nihongo.

Mirandés

La obra fui traduzida, sendo publicada pula eiditora ASA cul títalo "L Princepico", pa mirandés por Ana Afonso (a la par cun Domingos Raposo). Esta fui la purmeira traduçon para mirandés de Ana Afonso, a cumbite de l consul de Fráncia ne l Porto.