Gastronomie de Pertual

L'alimentaçon pertuesa, inda que steia restrita a un spácio geográfico relatibamente pequeinho, mostra anfluéncias atlánticas i tamien mediterránicas (ancluindo-se na chamada “dieta mediterránica”), cumo ye besible na cantidade de peixe cunsumida tradecionalmente. Mui mudou zde que Strabon se referiu als Lhusitanos cumo un pobo que se alimentaba de belhotras.

La dieta mediterránica

L bacalhau (morciegano), antroduzido na alimentaçon zde las biaiges pertuesas de l seclo XIV, era adequado a las necidades de la época, cumo perduto de fácele cunserbaçon.

Passado l 25 de Abril de 1974, alguns dietistas pertueses resolbírun criar un squema que resumisse las birtudes nutricionales de la tradecional dieta mediterránica. Eilaborou-se ua nuoba berson deste squema, la Ruoda de ls Alimientos que mantenie, assi i todo, la proporçon i bariadade d'alimientos conotados cun este tipo d'alimentaçon.

Cula aporfilhaçon an Pertual de la nuoba pirámide de ls alimientos, dibulgada pula Organizaçon Mundial de la Salude, la chamada dieta mediterránica ganha inda mais çtaque. Studos dibersos parécen andicar que Pertual ye l paíç "mediterránico" que menos altarou ls sous hábitos alimentares tradecionales.