Esta FAQ (preguntas frequentes) lhida cun alguas questones que porsores ó admenistradores de scuolas puodan tener an relaçon al cunteúdo de la anformaçon persente na Wikipédia, i l uso de la Wikipédia por studantes. Se stá a pensar an atribuir un porjeto scolar baseado na Wikipédia, beija Wikipedie:Porjetos scolares i ounibersitários. Para anformaçon mais giral, beija Wikipedie:Cunselhos para pais.
Cunceitos cumo oupen source, copyleft, scrita colaboratiba, i cuntribuiçones boluntárias para l bien público puoden ser eideias nuobas i pouco familiares para muitos studantes. La Wikipédia oufrece ua ouportunidade para eiducadores sploráren cunceitos de cunfiança pública que probablemiente eiran cuntinar a crecer an amportança al lhongo de la bida de la populaçon moço de hoije an die.
Alguas questones usuales que studantes i eiducadores preguntan subre la Wikipédia son respundidas ambaixo baseadas ne l statuto de la Wikipédia i projeçones razoables para l sou feturo eimediato.
L termo "wiki" deriba de la frase "WikiWiki", que an habaiano quier dezir "rápido". Un wiki ye un sítio na anterneta que permite que pessonas cuntribuan cunteúdo; beija l nuosso artigo subre wikis para mais anformaçones.
La Wikipédia ye un cumpéndio de coincimiento eisistente i publicado i ye tan fiable cumo las fuontes sternas de las quales depende. Felizmente, la Wikipédia ye bastante regular subre la citaçon de fuontes (bien mais regular que muitas outras fuontes). Se un determinado artigo nun fornece citaçones, anton puode ser ó nun fiable i l lheitor debe usar l sou própio bun senso. Studantes nunca deben usar anformaçon persente na Wikipédia (ó qualquier outra anciclopédia online) para oubjetibos formales (tal cumo redaçones ó ansaios) até que téngan berificado i abaluado la anformaçon baseados nua fuonte sterna. Por esto, la Wikipédia, tal cumo outras anciclopédies, ye un buono sítio para ampeçar ua pesquisa mas nin siempre un buono sítio para acabar.
La Wikipédia stá a crecer debrebe, la la sue fiabilidade stá custantemente a melhorar. Lheitores cumpórun artigos cuntinamente cul que eilhes yá saben i melhorar la sue percison i detalhe. Por causa de la sue capacidade de crecimento, la Wikipédia ye citada quaije diariamente na amprensa.
Por outro lhado, ye possible que un artigo specífico seia parcial, zatualizado ó fatualmente ancorreto. Esto ye berdade de qualquier recurso. Todos ls fatos amportantes deben ser berificados, andependientemente de la sue fuonte. An giral, artigos populares tenden a ser mais corretos porque son lhidos mais bezes i por esso qualquier erro son corrigidos atempadamente. Artigos de la Wikipédia puoden tamien sofrer de porblemas particulares tales cumo biés regional, mas esto tamien melhora cul tiempo. Para mais anformaçon, beija en:Wikipedie:Criticisms (an anglés).
L que prebine que alguien cuntribua cun anformaçon falsa?
Ls mecanismos de cuntrolo de qualidade son mais reatibos de l que prebentibos, i qualquier pessona puode, neste perciso momento, ir la quaije qualquier páigina i mudar la anformaçon persente neilha para a tornar falsa ó anganhosa.
Anque que la maiorie de las eidiçones melhoran la anciclopédia, bandalismo desta naturaleza ye bastante frequente.
Felizmente, tales erros deliberados nun duran mui tiempo. Cientos de cuntribuidores dedicados monitorizan eidiçones an tiempo rial (percipalmente an artigos amportantes ó cuntrobersos) i debrebe reberten eidiçones nun apropiadas. Muitos artigos stan na lista pessonal de bigiados dun ó mais eiditores, i esto fornece ua segunda camada de cuntrolo de cunteúdo. Por redadeiro, l grande númaro de usuários stá custantemente a analisar i melhorar todos ls artigos, çfazendo bandalismos assi que son ancontrados. Se un usuário anónimo ó relatibamente nuobo mudar ua statística ó data nin que seia subtilmente, sin justeficar la sue eidiçon, probablemiente ban lhebantar alguns alertas. Se un andibíduo cuntina a bandalizar depuis de abisado, anton puode mesmo ser ampedido de eiditar.
La chabe deste sistema reatibo ye que la Wikipédia, al cuntrário de fuontes ampressas cumbencionales, mantén la stória cumpleta de cada mudança an cada artigo. Nada ye algua beç perdido, i nanhun abuso ye permanente. Beija Wikipedie:Stórico para mais anformaçon
Anque çto todo, la Wikipédia cierta mente nun ye purfeita. Un lheitor puode tener l azar de chegar a ua páigina que acabou de tener sido bandalizada i antes deilha tener sido reparada. Houbiste causos an que bandalismo solo fui detetado meses depuis de tener sido anserido. A qualquier momento hai cierta mente anformaçon pouco correta algures na Wikipédia. Ye por esto que lheitores deben ser diligentes an berificar la anformaçon ancontrada contra fuontes sternas, cumo çcutido arriba. Ye tamien ua buona eideia, se se sente çconfortable cun un artigo, berificar l sou stórico a la percura de eidiçones de mala-fé recentes. Se ancontrar algun pedaço de bandalismo nun corrigido, puode até decidir ajudar usuários feturos corrigindo-lo bocé mesmo. Ye essa la grande bantaige de la Wikipédia.
