Wikipedia:Biografi tokoh nan masih iduik

Sado-sado nan manyuntiang harus elok-elok katiko menulih biografi tokoh nan masih hiduik, nan membutuahkan suatu raso jo pareso, dan harus bepacik arek pado tigo kabijakan isi Wikipedia: pemastian, sudut pandang netral, dan bukan riset asli.

Sao urang nan manyuntiang harus mambuek artikel jo caro nan batua. Usahokan taruih maambiak rujuakan nan berkualitas tinggi, tarutamo tantang ujuang pangka tokoh nan masih hiduik. Bahan-bahan nan indak ado sumber atau kontroversi nan punyo rujuakan lamah (negatif, positif, atau sangaik dipertanyakan) tantang tokoh nan masih hiduik dapek dihapuih langsuang dari artikel, laman pembicaraan, dan laman pengguna di Wikipedia. Prinsip-prinsip iko balaku pulo untuak materi biografis tantang tokoh nan masih hiduik pado artikel-artikel lain. Tanggung jawab untuak menjustifikasi klaim kontroversial di Wikipedia, dalam bantuak apo pun, tapi khususnyo untuak biografi tokoh nan masih hidup, berado di tangan urang nan malakukan klaim tersebut.

Alasan

Artikel Wikipedia tantang tokoh nan masih hiduik dapek mampangaruhi hiduik urang itu. Yayasan Wikimedia dan Jimmy Wales alah acok manarimo upek-an tantang artikel tokoh nan masih hiduik — ado urang nan indak sanang secaro wajar kareno artikel nan indak akurat dan diputarbalikkan. Pemecahan tahadok upek-an itu adolah hal nan sensitif.

Masalah iko dapek bertambah rumik jikok urang itu mancubo untuak menyuntiang artikel tantang diri mereka surang untuak mahilangkan isi nan bamasalah. Karano mereka acok indak Wikiwan bapangalaman, mereka acok indak paham tantang kabijakan nan balaku, dan acok dituduah mangarajoan vandalisme atau parang suntiangan dimano sabanayo mereka mancubo mangarajoan suntiangan jo niat baik.

Sahubungan jo hal itu, para kontributor harus elok-elok katiko manulih jo menyuntiang biografi tokoh nan masih hiduik jo mencamkan hal-hal iko :

• Artikel harus disuntiang jo tingkat sensitivitas dan tunduak pado kabijakan isi Wikipedia;
• Jikok urang nan terkait menyuntiang suatu artikel, paralu untuak manjalankan niat baik dalam kaitan untuak manangani mereka sacaro sopan;
• Jikok suatu alamat IP nan indak punyo namo atau pangguno baru mangosongkan suatu laman atau bagian laman manganai saurang tokoh nan masih hiduik, mungkin itu adolah urang nan dimukasuik. Cubolah untuak indak batindak agresif, sebaliaknyo ajak urang itu untuak badialog, dan cek apakah artikel itu indak mancantumkan kritik nan indak bersumber atau kurang mamiliki sumber. Jikok iyo, hapuih bagian itu.

Gaya panulisan

Biografi tokoh nan masih hiduik harus ditulih jo bertanggung jawab, konservatif, jo nada netral dan ensiklopedik. Jikok pendekatan evolusi artikel dapek diterapkan pado topik subjek lain, biografi tokoh nan masih hiduik nan indak ditulih jo elok harus dibuek manjadi rintisan atau dihapuih.

Artikel harus mendokumentasikan, dengan gaya nan indak bapihak, apo nan alah ditabikan dek sumber pihak katigo tantang urang dan, dalam babarapo kondisi, apo nan mungkin pernah ditabikan dek urang itu tantang diri mereka surang. Gaya panulisan harus netral, faktual, jo mahindari suduik pandang simpatik ataupun suduik pandang jurnalisme advokasi.