Sistem reproduksi padusi
| Sistem reproduksi padusi | |
|---|---|
 Ilustrasi sistem reproduksi padusi | |
| Rincian | |
| Pangenalan | |
| Latin | systema genitale femininum |
| MeSH | D005836 |
| TA | Script error: The function "getTAValue" does not exist. |
| FMA | 45663 |
| Anatomical terminology | |
Sistem reproduksi padusi maliputi organ reproduksi, oogenesis, hormon pado padusi, fertilisasi, kehamilan, persalinan jo laktasi. Organ reproduksi nan ado di dalam padusi dibagi duo antaro lain organ reproduksi eksternal samo organ reproduksi internal.[1]
Ovarium
[suntiang | suntiang sumber]
Ovarium adolah organ bapasangan ketek nan talatak di dakek dindiang lateral rongga panggua. Organ-organ iko bertanggung jawab untuak mamproduksi sel talua (sel telur) samo sekresi hormon. Proses dimano sel talua (ovum) dilapehan namonyo ovulasi. Kangcangnyo ovulasi basifek periodik jo badampak langsuang jo lamonyo siklus menstruasi.
Sudah tajadi ovulasi, sel talua ditangkok oleh tuba Fallopi, Siap tu sel talua manuju ka rahim. Pas tajadi proses perjalanan manuju rahim, sel talua ko ka dibuahi samo sel sperma nan masuak. Selamo pambuahan, sel talua ba peran dalam malapehan molekul-molekul tatantu nan pantiang untuak mambimbiang sperma jo mamungkinkan pamukaan talua untuak manempel ka pamukaan sperma. Talua kamudian dapek manyerap sperma jo pambuahan kamudian dapek dimulai. Tuba Fallopi dilapisi jo rambuik ketek (silia) untuak mambantu pajalanan sel talua.
Tuba fallopi
[suntiang | suntiang sumber]Tuba Fallopi adolah duo tabuang nan mangarah dari ovarium ka dalam rahim. Pado saat kamatangan sel talua, folikel jo dindiang ovarium pacah, mamungkinkan sel talua kalua jo mamasuki tuba Fallopi. Sel talua manggarik ka rahim, didorong samo garikan silia di lapihan dalam tabuang. Proses pejalanan sel talua ka rahim mamakan wakatu lamo. Jikok ovum dibuahi pas ado di tuba Fallopi, mako biasonyo implan di endometrium katiko mancapai rahim, nan menandoan mulo kahamilan.
Rahim
[suntiang | suntiang sumber]Rahim adolah organ reproduksi padusi nan utamo. Rahim maagiah palinduangan mekanis, dukuangan nutrisi, samo pambuangan limbah untuak embrio nan sadang bakambang (minggu 1 sampai ka 8) jo janin (dari minggu ka 9 sampai pasalinan). Salain itu, kontraksi di dindiang otot rahim pantiang dalam mandorong kalua janin pas ka kalahiaan.
Rahim menganduang tigo ligamen suspensori nan mambantu mastabilkan posisi uterus jo mambatehi rantang panggarikannyo. Ligamentum uterosakral manjago tubuah dari manggarik ka bawah samo ka muko. Ligamentum bundar mambatehi panggarikan posterior uterus. Ligamen kardinal samo samo mancagah garikan rahim nan inferior.
Rahim adolah organ barotot babantuak buah pir. Fungsi utamonyo adolah untuak manarimo sel talua nan tabuahi nan tatanam ka dalam endometrium, jo mamperoleh makanan dari pambuluh darah nan bakambang sacaro eksklusif untuak tujuan iko. Sel talua nan tabuahi jadi embrio, bakambang jadi janin jo malahiaan sampai malahiaan. Jikok talua indak tatanam di dindiang rahim, saurang padusi mulai menstruasi.
Serviks
[suntiang | suntiang sumber]Serviks adolah lihia rahim, bagian bawah nan sampik di mano inyo bagabuang jo bagian ateh vagina. Bantuaknyo bantuak silinder atau babantuak karucuik jo manonjol malalui dindiang vagina anterior ateh. Sakitar satangah panjangnyo nan nampak, sisonyo talatak di ateh vagina di lua pandangan. Vagina punyo lapihan taba di lua jo itu adolah lubang di mano janin muncua salamo pasalinan.
Vagina
[suntiang | suntiang sumber]Vagina adolah kanal fibromuskuler (tadiri dari jaringan fibrosa samo otot) nan mangarah dari lua tubuah ka lihia rahim atau rahim. Iko samo disabuik sabagai jalan lahia dalam konteks kahamilan. Vagina mengakomodasi penis laki-laki salamo hubuangan seksual (hubuangan intim). Semen nan manganduang spermatozoa ejakulasi dari laki-laki pas orgasme, ka dalam vagina bapotensi mamungkinkan pambuahan sel talua (ovum) tajadi.
Vulva
[suntiang | suntiang sumber]
Vulva tadiri dari sadolah bagian lua jo jariangan jo tamasuak mons pubis, celah pudendal, labia mayora, labia minora, kelenjar Bartholin , klitoris, jo lubang vagina.
- Mons pubis yaitu bagian nan manonjol (bantalan) barisi jaringan lemak jo saketek jaringan ikat nan talatak di ateh shympisis pubis. Satalah pubertas kulik dari mons veneris tatutuik samo rambuik-rambuik. Mons veneris bafungsi untuak manjago alat genetalia dari masuaknyo kotoran salain itu untuak estetika.
- Labia mayora, nan marupoan kalanjutan dari mons veneris babantuak lonjong jo manonjol, barasal dari mons veneris jo bajalan ka bawah jo balakang. Kaduo bibia iko di bagian bawah katamu mambantuak perineum (pamisah anus jo vulva). Pamukaan iko tadiri dari: Bagian lua : tatutuik rambuik, nan marupoan kalanjutan dari rambuik pado mons veneris. Bagian dalam : tanpo rambuik, marupoan selaput nan menganduang kalenjar sebasea (lemak) Bafungsi untuak manutuikan organ-organ genetalia di dalamnyo jo mangaluaaan cairan palumas pas manarimo rangsangan.
- Labia minora marupoan lipekan di bagian dalam bibia gadang, tanpo rambuik. Dibagian ateh klitoris, bibia ketek batamu mambantuak prepusium klitoridis jo di bagian bawahnyo batamu mambentuk frenulum klitoridis. Bibia ketek iko mangaliliangi orifisium vagina.
- Clitoris marupoan sabuah jaringan erektil ketek nan sarupo samo penis laki-laki. Manganduang banyak urek-urek saraf sensoris jo pambuluah-pambuluah darah sahinggo sangaik peka. Lataknyo anterior dalam vestibula. Bafungsi untuak manutupi organ-organ genetalia di dalamnyo serta marupoan daerah erotik nan manganduang pambuluah darah jo saraf.
- Hymen marupoan jaringan nan manutupi lubang vagina, basifek rapuah jo mudah cabiak. Himen iko balubang sahinggo manjadi saluran dari lendir nan dikaluaan uterus jo darah pas menstruasi. Bila himen tatutuik saluruahnyo disabuik hymen imperforata jo manimbuaan gujalo klinik satalah mandapek menstruasi.
- Vestibulum marupoan alat reproduksi bagian lua nan dibatehi samo kaduo bibia ketek, bagian ateh klitoris, bagian balakang (bawah) pertemuan kaduo bibia ketek. Pado vestibulum tadapek muara uretra, duo lubang saluran kelenjar Bartholini, duo lubang saluran Skene. Bafungsi untuak mangaluaan cairan nan baguno untuak malumasi vagina pado saat basenggama.
- Urethrae Tampek kaluanyo aia kanciang nan talatak dibawah klitoris. Fungsinyo sabagai saluran untuak kaluanyo aia kanciang.
- Kelenjar Bartholini (kelenjar lendir) marupoan kelenjar tapantiang di daerah vulva jo vagina karano dapek mangaluaan lendir. Pangeluaan lendir maningkek pas bahubungan seks, jo salurannyo kalua antaro himen jo labia minora.
Perineum
[suntiang | suntiang sumber]Perineum talatak di antaro vulva samo anus, panjangnyo kurang labiah 4 cm. Tadapek otot-otot nan pantiang yaitu sfingter anus eksterna jo interna serta dipersyarafi samo saraf pudendus jo cabang-cabangnyo.
Rujuakan
[suntiang | suntiang sumber]- ↑ Mahadevan, Harold Ellis, Vishy (2013). Clinical anatomy applied anatomy for students and junior doctors (edisi ke-13). Chichester, West Sussex, Inggris: Wiley-Blackwell. ISBN 9781118373767.
Pautan lua
[suntiang | suntiang sumber] |
Buku Wiki Human Physiology mamiliki halaman batajuik |