मौर्य साम्राज्य

मौर्य साम्राज्य Maurya Empire 𑀫𑀸𑀕𑀥𑁂 Māgadhe
सन् ३२२ इ.पू.–सन् १८४ इ.पू.
अशोकक शिलालेखसभक स्थान, प्राचीन शिलालेख, प्राचीन युनानी, प्राचीन भारतीय ग्रन्थसभक आधार पर भारतीय पुरातत्व सर्वेक्षणद्वारा कल्पना कएल गेल मौर्य साम्राज्यक अधिकतम सीमा
राजधानी	पाटलीपुत्र (एखन पटना)
आम भाषासभ	संस्कृत (साहित्यिक आ शैक्षणिक), मगधि प्राकृत (मातृभाषा)
धर्म	ब्राह्मणवाद जैन धर्म बौद्ध धर्म आजीवक युनानी बहुदेववाद पारसी धर्म (उत्तर-पश्चिमी)
सरकार	पूर्ण राजतन्त्र, जेना कि कौटिल्यकेँ अर्थशास्त्र आ राजमण्डलमे वर्णित अछि
चक्रवर्ती सम्राट
• सन् ३२२–२९८ इ.पू.	चन्द्रगुप्त
• सन् २९८–२७२ इ.पू.	बिन्दुसार
• सन् २६८–२३२ इ.पू.	अशोक
• सन् २३२–२२४ इ.पू.	दशरथ
• सन् २२४–२१५ इ.पू.	सम्प्रति
• सन् २१५–२०२ इ.पू.	शालिसुका
• सन् २०२-१९५ इ.पू.	देववर्मन
• सन् १९५–१८७ इ.पू.	शतधनवान
• सन् १८७–१८४ इ.पू.	बृहद्रथ
ऐतिहासिक काल	लौह कालखण्ड
• नन्द साम्राज्य पर विजय	सन् ३२२ इ.पू.
• पुष्यमित्र शुङद्वारा बृहद्रथक हत्या	सन् १८४ इ.पू.
क्षेत्रफल
सन् २६१ इ.पू. (शिखर क्षेत्रक निम्न-अन्त अनुमान)	३४,००,००० किमी२ (१३,००,००० वर्ग माइल)
सन् २५० इ.पू. (शिखर क्षेत्रक उच्च-अन्त अनुमान)	५०,००,००० किमी२ (१९,००,००० वर्ग माइल)
मुद्रा	पानस
Preceded by Succeeded by महाजनपद नन्द साम्राज्य शुङ साम्राज्य सतवाहन वंश महामेघवाहन वंश आर्य-सिथियन्स आर्य-ग्रीक साम्राज्य विदर्भ साम्राज्य (मौर्य कालखण्ड)

मौर्य साम्राज्य मगधमे स्थित दक्षिण एसियामे भौगोलिक रूपसँ व्यापक लौह युगक ऐतिहासिक शक्ति छल। सन् ३२२ इसा पूर्वमे चन्द्रगुप्त मौर्यद्वारा स्थापित, सन् १८५ इसा पूर्व धरि ई साम्राज्य बढिया जका अस्तित्वमे छल। गङ्गाक मैदानक विजयसँ ई साम्राज्य केन्द्रिकृत भऽ गेलाक बाद एहि साम्राज्यक राजधानी पाटलीपुत्र (आधुनिक पटना)मे बैसाएल गेल छल। ई शाही केन्द्रक बाहर, साम्राज्यक भौगोलिक सीमा सैन्य कमान्डरसभक इमान्दारिता पर निर्भर छल जे एकर भीतर तीतर बितर भेल सशस्त्र शहरसभकेँ नियन्त्रित करैत छल। अशोकके शासनकाल (लगभग सन् २६८-२३२ इसा पूर्व) कऽ समयमे साम्राज्य सुदूर दक्षिणकेँ छोडि भारतीय उपमहाद्वीपक प्रमुख शहरी केन्द्रसभ आ शाखासभकेँ किछु समयक लेल नियन्त्रित केनए छल। अशोकक शासनक पश्चात लगभग ५० वर्ष धरि एहिमे कमी आएल आ सन् १८५ इसा पूर्वमे पुष्यमित्र शुङ्गद्वारा बृहद्रथक हत्या आ मगधमे शुङ्ग राजवंशक स्थापनाक सङ्गहि ई साम्राज्य भङ्ग भऽ गेल छल।

सन् ३२२ ईसा पूर्व चन्द्रगुप्त मौर्य अर्थशास्त्रक लेखक चाणक्यक सहायतासँ एकटा सेना खडा करि नन्दा साम्राज्यक उखाडि फेक देलक। सिकन्दर महानद्वारा छोडल गेल क्षेत्रसभ पर विजय प्राप्त करि चन्द्रगुप्त तेजीसँ मध्य आ पश्चिमी भारतमे पश्चिमक दिशामे अपन शक्ति केर विस्तार केलक आ सन् ३१७ ईसा पूर्व धरि साम्राज्य उत्तर-पश्चिमी भारत पर पूर्ण रुपसँ कब्जा करि लेने छल। एकर पश्चात मौर्य साम्राज्य सेल्युसिड-मौर्य युद्धक समयमे सेल्युकस प्रथम, एक डायडोचस आ सेल्युसिड साम्राज्यक संस्थापककेँ पराजय केलक, एहि प्रकार सिन्धु नदीक पश्चिमक क्षेत्र प्राप्त करि लेलक।