Pitavin-santonges

Quest articol chì l'è scrivud in lombard, con la Noeuva Ortografia Lombarda

Quella vos chi la gh'ha minga di font o inn trop poche. Per pieser, sgionta di font a la vos.
Per havégh un'ideja di altre vos senza font, vardee chichinscì.

El pitavin-santonges (o parlanjhe) l'è ona lengua d'oïl parlada in del sud-ovest de la Franza, al confin cont l'ocitan.

Difusion e variancc

A dìlla tuta "pitavin-santonges" l'è na definizzion comprensiva che la cata dent dò parlade (pitavin e santonges), di quai l'è stada monstrada l'unità relativa ai inizzi del segol quell de XIX de un quai autor, e confermada anca de studi del secul XX fad di università de Liverpool, Angers, Poitiers, Lion, Nantes e Clermont-Ferrand. La prima voeulta che se dopra quest termin chì l'è el 1905.
El pitavin-santonges l'è parlad in de la region del Poitou-Charentes, la Vandee e in del Paes de Retz (Paes de la Loira), in del nord de la Gironda (Aquitania - zona del Paes Gabaye), e in d'on quai comun del departiment d'Indre (per esempi Le Blanc, Bélâbre, Argenton-sur-Creuse), a l'estrem ovest de la Dordogna (zona de La-Roche-Chalais) e al confin cont el Lot-en-Garonne, arent a l'exclave lenguistega de Monségur, inscì 'me a la ponta de Grave. L'è donca parlad in di storeghe region del Poitou, de l'Aunis, de l'Angoumois e de la Saintonge.

Linguasphere l'ha spartid inscì el pitavin-santonges:

Maraîchin (Vandee nord-ocidentala).
Pitavin setentriunal (Deux-Sèvres setentriunal e Vienne setentrionala).
Pitavin ucidental (Vandea).
Pitavin central (Deux-Sèvres central e Vienne centrala).
Pitavin meridiunal (Deux-Sèvres meridionala e Vienne meridionala).
Aunisien (Charente-Maritime setentrionala).
Saintongeais (Charente-Maritime meridionala e Gironda setentrionala).
Angoumois (Charente, arent a Angoulême).
Gavache (Gironda nord-orientala).

Vos corelade