Noeuv Stat de la Germania
|
Quest articol chì l'è scrivud in lombard, con la Noeuva Ortografia Lombarda |
I Noeuv Stat de la Germania (die neuen Länder in todesch) inn i cinch Stat federad de la Germania che inn stad fad su ancamò quand che la Germania Est, in del 1990, l'è stada ciapada dent de la Republega Federal Todesca cont i so des stat "vegg". 'Sti stat chi eren stad desligad del governo socialista in del 1952 e inn Brandeborgh, Meclemborgh-Pomerania Ocidental, Sassonia, Sassonia-Anhalt e Turingia. El stat de Berlin, fad su a tacà insema Berlin Ovest e Berlin Est, a l'è de solet minga considerad vun de 'sti stat noeuv.
Per via del so passad comun, gh'hann di question compagne, per esempi men de desvilup economegh, pussee sgent sgiovina che la va a Ovest e men de sgent che la vegn de alter Paes, quella roba chi la pesa politegament e la mena al cresser de partid propi de destra o de sinistra, e gh'è anca di moviment independentista.