Carlo Borromee
|
Quest articol chì l'è scrivud in lombard, con la Noeuva Ortografia Lombarda |
El Carlo Borromee (Aròna, 2 ottober 1538 – Milan, 3 november 1584) l'è stad un arcivescov e cardinal lombard, arcivescov de Milan del 1564 a la soa mort. L'è considerad sant de la Gesa catolega e Dottor de la Gesa.
Ad Aròna a gh'è on monument dedicad a lu, volt 23 meter, ciamad El Sancarlon. L'era cusin del Federigh Borromee e nevod del Papa Pio IV, per el che l'ha lavorad a Roma. El so corp el se troeuva in del Dom de Milan, in del scuroeul del San Carlo.
Cult
[Modifega | modifica 'l sorgent]Insema ai sant Ambroeus e Galdin l'è patron de la citaa de Milan, oltra che patron de Lombardia e del Canton Tesin: l'è patron anca del vegg comun pujes de Acquarica del Capo, de la cità californiana de Monterey e de la cità brasiliana de São Carlos. L'è considerad anca el protetor di vescov, di catechista, di seminarista e de quei che fann l'amid.
Gh'è varie gese dedicade a lu, i pussee cognossude la Gesa de San Carlo al Lazaret a Milan, oeuvera del Tebald, e la gesa de San Carlo ai Quater Fontane a Roma: el so cult l'è rivad fina a Palermo, indova la Gesa de San Carlo di Milanes l'era la gesa nazzionala di lombard.
La soa festa l'è el 4 november, dì de la soa mort segond el calendari del temp, vist che l'era mort de sira.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikisource el gh'ha dent una pagina dedicada a San Carlo Borromee
Wikiquote el gh'ha dent citazzion de o su San Carlo Borromee
Wikimedia Commons el gh'ha dent imagin o alter archivi su San Carlo Borromee
