Slaagtandj
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
'ne Slaagtandj of stoattandj is 'nen extreem-langen tandj bie bepaoldje zougdere dae nao boete stèk wen de móndj is geslaote. Toete zougdere mit slaagtenj behuèren ónger anger olifante, zwiender, walrusse, narwals en versjillendje primitieve hirte, wie 't muskushirt, 't de Sjinese waterree en de muntjak. Bie väöl saorte höbbe alein de menkes slaagtenj of zeen de slaagtenj bie menkes grótter es bie vruikes. Dere gebroeke slaagtenj veur versjillendje doelènj.
De twiè slaagtenj bie 'nen olifant zeen verlingjde bäövelste sniejtenj. Bie anger dere wie bieje walrusse, zwiender en hirte zeen 't de bäövelste hooktenj; bie inkel oetgestórve slurfdere, nej verwantje vanne olifante, wie de Deinotherium waren 't juus de ungelste sniejtenj die oetgrudje toet slaagtenj.
Slaagtenj waere veurnamelik door luuj gebroek es perducent van ivoar. De jach op ivoar zörgdje aevel d'rveur det bepaoldje deersaorte, veurnamelik de Afrikaanse olifante, rasj achteroet gónge.