Desi Bouterse
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Desiré Delano Bouterse (* Domburg, 13 oktoeaber 1945 - † 23 december 2024[1][2]) waas 'ne milletaere leider, staotshouf en politieker vanne Nasjenale Democratische Partie in Suriname.
Bouterse stóng veural bekandj veur zie milletaer bewindj det Suriname van 1980 toete begin vanne neugentiger jaore behieërdje. Op 25 fibberwarie 1980 veurdje 'n milletaer junta ónger leijing van Bouterse 'ne staotsgreep oet in Suriname. Allewel de prizzendèntj zien amb beheel, waas Bouterse es de veurzitter vanne nasjenale milletaere raod de feitelike hieërsjer van 't landj toetdet t'r in 1988 zich bedankdje. In 1982 waerdje Bouterse zelf de prizzendèntj.
Bouterse waas e centraal feguur inne börgerkrieg dae oetbersdje nao de ónaafhenkelikheid van Suriname en hae waerdje gezeen es sjöljig veure Decembermaorde in 1982, woveur d'r in 2019 en ouch in hoeager beroep in 2023 waas veroeardeildj dore rechbank. Ouch waerdje t'r besjöljig betróch te zeen bie drugssmokkel en waerdje hae verantjwuuerdelik gehaje veur 't bloodbad van Moiwana in november 1986, wobie 39 börgers vermaord waerdje door 't leger.
Nao d'n euvergank toet 'n börgerlike regering mislökdje 't Bouterse ederskieër trögk staotshouf te waeren in algemein verkeziginge, toetdet t'r in 2010 woort verkaozen es prizzendèntj.
- ↑ De Ware Tijd, ‘Bouterse maandagavond overleden’, 27 december 2024
- ↑ Starnieuws, Ambassades tekenen condoleanceregister in Ocer, 27 december 2024