Inselen ënner dem Wand (Antillen)

Inselen ënner dem Wand Südlechen Deel vun de Klengen Antillen (Leeward Antilles)
Inselen ënner dem Wand
Geographie
Land	Holland, Venezuela
Läit an/am	Karibesche Mier
Koordinaten:	14° 13’ 59’’ N 61° 21’ 0’’ W
Fläch	2.000 km²
Verwaltung
Demographie

D'Inselen ënner dem Wand sinn de südlechen Deel vun de Klengen Antillen a leie am Karibesche Mier, virun der Nordküst vu Südamerika. An der englescher Sprooch ginn d'Inselen ënner dem Wand als Leeward Antilles bezeechent, am Géigesaz zu de Leeward Islands a Windward Islands, den zwéin Deeler vun den Inselen iwwer dem Wand.

D'Insele Margarita, Cubagua a Coche bilden de venezuelanesche Staat Nueva Esparta. Déi sougenannt ABC-Inselen (Aruba, Bonaire a Curaçao) gehéieren zu Holland. Déi aner Inselen an Inselgruppe gehéieren zu de ronn 600 Insele vun de Federalen Dependancë vu Venezuela ((es) Dependencias federales).

Anescht wéi d'Inselen iwwer dem Wand, leien d'Inselen ënner dem Wand net am Afloss vum Nordost-Passat an hunn dowéinst e vill méi dréchent Klima.

Déi meescht Awunner liewen op Aruba, Curaçao a Margarita.

Ursprong vum Numm

D'Bezeechnung „ënner dem Wand“ gëtt an der Séimannssprooch gebraucht fir unzeginn, datt en Objet (an dësem Fall d'Insel) op der entgéintgesater Säit läit, aus där de Wand bléist, d. h. vrum Wand geschützt ass. D'Inselen ënner dem Wand leien deemno net am direkten Afloss vum Nordost-Passatwand deen an där Géigend bléist.

Am Däitsche schwätzt ee vun unter dem Wind oder leewärts, leeward am Engleschen a sous le vent am Franséischen.

Lëscht vun den Inselen ënner dem Wand

Leeward Antilles

Kaart	Insel (Vu Westen no Osten)	Koordinaten	Fläch (km²)	Awunner
	Archipel Los Monjes	12° 26’ 0’’ N 70° 53’ 0’’ W	0,20	---
	Aruba	12° 30’ 40’’ N 69° 58’ 27’’ W	179	106.739
	Curaçao	12° 11’ 47’’ N 69° 0’ 43.2’’ W	444	152.849
	Bonaire	12° 10’ 46.6’’ N 68° 15’ 29.2’’ W	288	24.090
	Archipel Las Aves	11° 58’ 0’’ N 67° 33’ 0’’ W
	Archipel Los Roques	11° 51’ 27’’ N 66° 45’ 27’’ W	40,61	1.471
	La Orchila	11° 48’ 16.2’’ N 66° 08’ 20.8’’ W	46
	La Tortuga	10° 55’ 54’’ N 65° 18’ 29’’ W	156,6
	Blanquilla	11° 51’ 12’’ N 64° 35’ 55’’ W	64,53
	Archipel Los Hermanos	11° 46’ 31.08’’ N 64° 24’ 17.6’’ W	2,12
	Margarita	10° 59’ 13’’ N 63° 56’ 08’’ W	1.020	491.610
	Cubagua	10° 48’ 42’’ N 64° 11’ 35’’ W	22,438	51
	Coche	10° 46’ 38’’ N 63° 55’ 52’’ W	61	8.242
	Archipel Los Frailes	8° 22’ 28.9’’ N 62° 41’ 16.4’’ W	1,92	---
	La Sola	11° 18’ 39’’ N 63° 34’ 13’’ W	0,0005
	Archipel Los Testigos	11° 22’ 47.6’’ N 67° 07’ 19.6’’ W	6,5	172

Billergalerie

• d'Inselen ënner dem Wand
• 
  Los Monjes
• 
  Aruba
• 
  Curaçao
• 
  Bonaire
• 
  Las Aves
• 
  Los Roques
• 
  La Orchila
• 
  La Tortuga
• 
  Blanquilla
• 
  Margarita
• 
  Cubagua
• 
  Coche
• 
  Los Frailes
• 
  Los Testigos

Kuckt och

• Westindesch Inselen

Um Spaweck

Commons: Inselen ënner dem Wand (Antillen) – Biller, Videoen oder Audiodateien