George Gershwin
| George Gershwin | |
|---|---|
 | |
| Gebuertsnumm | Jacob Gershwine |
| Pseudonym | Gershwin |
| Gebuer |
26. September 1898 Brooklyn |
| Gestuerwen |
11. Juli 1937 Hollywood |
| Doudesursaach | Hirekriibs |
| Nationalitéit | USA |
| Aktivitéit | Komponist, Jazzpianist, Lidderschreiwer, Filmkomponist, Moler, Dirigent, Pianist |
 | |
Den George Gershwin, gebuer de 26. September 1898 zu Brooklyn, New York, a gestuerwen den 11. Juli 1937 zu Hollywood, mam richtegen Numm Jacob Gershowitz, war en -US-amerikanesche Komponist, dee bekannt ass fir seng Stécker op der Grenz tëscht klassescher Musek an Jazz.
Hien huet d'Musek vun enger sëllege Musicale geschriwwen, wéi Lady, Be Good!, Oh, Kay!, Funny Face (méi spéit verfilmt gi mam Fred Astaire an der Audrey Hepburn an den Haaptrollen), Show Girl, Strike up the Band, Crazy for You an Of Thee I Sing.
Seng Songbooks goufe vu verschiddene Sängerinnen a Sänger opgeholl, déi bekanntst däerft déi Versioun vun der Ella Fitzgerald sinn.
Hien huet och méi "seriö" Saache komponéiert. Ënner de méi bekannte Stécker ass d'Rhapsody in Blue (1924), mat däitlechen Jazz-Elementer dran, de Concerto in F (e Pianoconcert) an An American in Paris.
Säi bekanntst Stéck däerft awer d'Oper Porgy and Bess (1935) sinn, déi éischt, an där all d'Haaptrolle vu schwaarze Gesangsinterprete gepillt ginn. Si gouf allerdéngs net sou dacks opgefouert.
De Gershwin ass mat just 38 Joer un engem Hirekriibs gestuerwen.
Wierker (Auswiel)
[änneren | Quelltext änneren]- Rhapsody in Blue (1924)
- Concerto in F (1925)
- Preludes (1926)
- An American in Paris (1928)
- Of Thee I Sing (1931)
- Second Rhapsody (1931)
- Cuban Overture (1932)
- Porgy and Bess (1935) mat bekannten Arië wéi Summertime, It ain't necessarily so an I love you Porgy
Um Spaweck
[änneren | Quelltext änneren]| Commons: George Gershwin – Biller, Videoen oder Audiodateien |
