Camille Montaigu
| Camille Montaigu | |
|---|---|
| Gebuer |
26. Dezember 1934 Fameck |
| Gestuerwen | 8. Januar 2025 |
| Nationalitéit | Frankräich |
| Aktivitéit | Journalist |
 | |
De Camille Montaigu (Germain), gebuer de 26. Dezember 1934 zu Fameck (Frankräich), a gestuerwen den 8. Januar 2025[1],[2], war e franséische Journalist, deen als Redakter (1958-1974) an Direkter (1974-1994) vun der lëtzebuergescher Editioun vum Républicain Lorrain vill zum Opschwong vun dëser Zeitung zu Lëtzebuerg bäigedroen huet.
De Camille Montaigu ass opgefall duerch en neie Stil, deen dora bestanen huet, dat hien net op offiziell Matdeelunge gewaart huet, mä dynamesch virun de Won gelaf ass a villes recherchéiert huet, ëmmer bestrieft, Neiegkeeten als éischten ze bréngen.
No senger Pensioun huet hie weider zu Munneref gelieft a war als begeeschterte Sportpilot zanter 1995 President vun der Amicale des Vieilles Tiges de l'Aviation luxembourgeoise (AVTAL).
Um Spaweck
[änneren | Quelltext änneren]- Foto vum Camille Montaigu op der Säit:www.gletscherflug.ch/EMP/de02.htm
- Appréciatioun am d'Lëtzebuerger Land (fr)
- Artikel vum Camille Montaigu iwwer d'Fligerkiermes: den 3 a 4 August 2002 zu Useldeng (fr)
Referenzen
[Quelltext änneren]- ↑ Camille Montaigu nous a quittés." lequotidien.lu, 08.01.2025.
- ↑ Der ehemalige Républicain lorrain-Journalist Camille Montaigu stirbt mit 90 Jahren." tageblatt.lu, 10.01.2025.