Blasius vu Sebaste
| Blasius vu Sebaste | |
|---|---|
 Den hellege Blasius virum réimesche Gouverneur, op enger Glasfënster aus der Regioun vu Soissons | |
| Titel | |
| Titel | Bëschof, Äerzbëschof |
| Biographie | |
| Gebuer |
3. Joerhonnert jul. Sivas |
| Gestuerwen |
316 jul. Sivas |
| Doudesursaach | Käppen |
| Aktivitéit |
Priister, Dokter, Anachoret |
| Aner Informatiounen | |
| Gedenkdag | 3. Februar |
 | |
De Blasius vu Sebaste, gestuerwen ëm 316, war Bëschof vu Sebaste an Armenien (dem haitege Sivas an der Tierkei). Hie gouf als Märtyrer bei enger Chrëschteverfollgung ënner dem Keeser Licinius gekäppt.
An der kathoulescher an an der orthodoxer Kierch gëtt en als Hellege veréiert an zielt en zu de Véierzéng Nouthellegen.
Säi Fest gëtt den 3. Februar gefeiert, den Dag no Liichtmëssdag. Am Lidd Léiwer Hergottsblieschen, dat op Liichtmëssdag gesonge gëtt, ass mam Hergottsblieschen den hellege Blasius gemengt.
An England ass et de Patréiner vun de Wollhandwierker.
An der Regioun vum haitege Lëtzebuerg gëtt den hellege Blasius zanter dem 9. Joerhonnert veréiert, an zu den Nouthellegen gëtt en zanter dem 14. Joerhonnert gezielt.
De Blasiusseege gëtt et zanter dem 11. Joerhonnert[1]. Dëse Seege soll géint Halskrankheeten hëllefen. An der Legend gëtt erzielt hien hätt, wéi hie gefaange war, e Matgefaangenen, deen eng Sprenz am Hals stiechen hat, virum Erstécke gerett (de Blasius war Dokter ier e Bëschof gouf).
Kuckt och
[änneren | Quelltext änneren]Um Spaweck
[änneren | Quelltext änneren]| Commons: Blasius vu Sebaste – Biller, Videoen oder Audiodateien |
Referenzen an Notten
[Quelltext änneren]- ↑ Melchers (Erna & Hans), Das große Buch der Heiligen - Geschichte und Legende im Jahreslauf