Blagny

Blagny
Land	Frankräich
Regioun	Grand Est
Departement	Ardennes
Arrondissement	Sedan
Kanton	Carignan
Postcode	08110
Gemengecode	08067
Koordinaten	49° 37’ 18’’ N       05° 11’ 31’’ O
Fläch	742 ha
Bevëlkerung	1.264 (2004)

Blagny ass eng franséisch Gemeng an den Ardennen an der Regioun Grand Est am Dall vun der Kuer.

D'Gemeng huet ëm 1822 wéi vill Gemengen an der Ëmgéigend en industriellen Opschwonk erlieft. Déi éischt Anlag war eng Walkmillen déi de Stofffabrikant Friquet an der fréierer Mille vu Blagny ageriicht hat. 1824 huet en ee Walzwierk dat hydraulesch gedriwwe gouf a Betrib geholl. Seng Installatiounen hu sech permanent vergréissert an 1859 goung en zweet Walzwierk a Betrib, an 1874 en drëtt. Um Enn vum 19. Joerhonnert huet d'Schmelz der Firma Saglio & Cie gehéiert, fir 1908 an de Besëtz vun der Société des Forges de Blagny-Carignan ze kommen. 1921 hu fënnef Walzwierker héichwäerteg Blecher a véier anerer Standartblecher gewalzt. 1928 wiesselt de Besëtzer nees eng Kéier an den neie Patron gëtt d'Société des Hauts fourneaux de Chiers et Longwy. 1960 gouf d'Kuer no Süden an en neit Bett getässelt, fir eng Vergréisserung vun den Anlagen z'erméiglechen. Gläichzäiteg goufen déi al hydraulesch Installatiounen ewechgerappt. Dat Ganzt wat an der Tëschenzäit an den Hänn vun der Usinor war gouf 1979 zougemaach. Vun den éischte Gebaier ass näischt méi ze gesinn. Déi déi elo nach do stinn, sinn aus den 1930er Joren. De Schaarschtech vun der Dampanlag gouf 2008 ewechgerappt.

Blagny ass un d'Eisebunnsnetz ugeschloss iwwer d'Eisebunnsstreck Lille-Diddenuewen

Kuckeswäertes

• D'Kierch Saint-Remy mat enger Paart vu 1700.

D'Märei vu Blagny

Kuckt och

• Departement Ardennes
• Arrondissementer am Departement Ardennes
• Kantonen am Departement Ardennes
• Lëscht vun de Gemengen am Departement Ardennes