Pteriomorphia

Argopecten irradians vivus

---

Animalia — Mollusca

Classis : Bivalvia 
Subclassis : Pteriomorphia 

   

Subdivisiones: Ordines

7 (5 exstantes). Vide commentarium.

Pteriomorphia (a verbis Graecis πτερίον 'pinnula' + μορφή 'forma') sunt Bivalvium phyli Molluscorum subclassis, quae praeter ordines Arcoida, Mytiloida, Ostreoida, Pterioida, aliquas familias exstinctas et fortasse basales continet, sicut Evyanidas, Colpomyidas, Bakevelliidas, Cassianellidas et Lithiotidas.

Pteriomorphia, quae olim, quod branchias lamelliformes habent, lamellibranchiata nuncupabantur, epibenthica sunt, id est, in fundo vivunt. Nonnulla, quia pedes minutos habent, bysso ad substratum adfiguntur. Margines pallii non conligantur. Branchiae, quae saepissime magnae sunt, in pascendo adiuvant. Qui grex notissimas utilissimasque comprehendit molluscorum familias, quae sunt hae: Mytilidae, Pectinidae, Pinnidae, Ostreidae.

Ordines subclassis Pteriomorphium

• Arcoida
• Cyrtodontoida†
• Limoida
• Mytiloida
• Ostreoida
• Praecardioida†
• Pterioida

Bibliographia

• Barnes, Robert D. 1982. Invertebrate Zoology. Philadelphiae: Holt-Saunders International. ISBN 0-03-056747-5.