Hippolytus Salvianus

Salvianus ipse in titulo libri Aquatilium Animalium Historiae pictus

Paginae ex Aquatilium animalium historiis cum imagine polypodis

Hippolytus Salvianus Typhernas (ibi natus anno 1514; Romae anno 1572 mortuus) fuit medicus et zoologus Italicus. Medicinae studuit, quam Romae exercuit, ubi medicus papalis factus est, anno fere 1550 medicus papae Iulii III. Romae hic tempore Petrum Bellonium Ulyssemque Aldrovandum incurrit necnon Gulielmum Rondeletium, qui ibi medicus privatus cardinali Francisco Turnonio degebat.

Ita Romae duo et viginti annos, usque ad 1568, fuit professor medicinae. Varia opera medica scripsit, et ludum scaenicum titulo La Ruffiana. Celeberrimi autem sunt Aquatilium animalium historiae libri, octoginta et una piscium et cephalopodum imaginibus valde curiosis muniti, quos anno 1554 scriptos annoque 1558 impressos divulgavit.

Opera

• 1558: Aquatilium animalium historiae liber primus, cum eorumdem formis, aere excusis. Romae Textus
• 1558: De crisibus ad Galeni censuram liber. Romae, 1558 (Textus apud Google Books)

Bibliographia

• Andretta, Elisa, "Salviani, Ippolito" in Dizionario biografico degli Italiani (Romae: Treccani, 2017)
• Bushnan, J. S. 1853. "Memoir of Hippolito Salviani." In: J. S. Bushnan, Ichthyology: Fishes: Particularly their structure and economical uses. (William Jardine, ed., The Naturalist's Library, vol. 35.) Edimburgi: W. H. Lizars. Pp. 17-43.
• Gudger, E. W. 1934. "The Five Great Naturalists of the Sixteenth Century: Belon, Rondelet, Salviani, Gesner and Aldrovandi: A Chapter in the History of Ichthyology" in Isis vol. 22 pp. 21-40 JSTOR
• Teissier, Antoine. 1683. "Hippolite Salviani." In: A. Teissier, Les éloges des hommes savans tirez de l'Histoire de M. de Thou. Genavae: J. H. Widerhold. (Vol. 1 pp. 410-411 apud Google Books).