Colyma
 | |
| Longitudo | 2129 chm |
|---|---|
| Area systematis | 643 000 chm² |
| Fons | Fluminum Aian-Iuriach et Culu confluentia |
| Ostium | Mare Sibiricum Orientale |
| Regio | Regio Magadanensis, Iacutia |
Colyma[1] (Russice Колыма, Iacutice Халыма), olim etiam ut Covyma[2] (Russice Ковыма) nota, flumen est in regione Magadanensi et re publica Iacutia Foederationis Russicae. 2129 chiliometra patet. In mare Sibiricum Orientale oceani Glacialis Septentrionalis effunditur.
Fluxus
[recensere | fontem recensere]Colymae fontes in Suntar Chaiata montibus sunt. Fluminibus Aian Iuriach et Culu confluentibus orta, in fluxu superiore (ad ostium Bochaptschae) flumen montanum est et multas cataractas habet. In fluxu medio et inferiore, ubi per demissionem Colymensem[3] fluit, navigabilis est.
Deltae Colymensis longae duo rami principales sunt, Colyma Lapidea orientalis, ad navigandum idonea, et Colyma Pochodscensis[4] occidentalis. A Colyma Pochodscensi etiam tertia Colyma, Tschuctschensis[5], ad occidentem abit.
Accolae
[recensere | fontem recensere]Omolon accola Colymae maximus est, Bochaptscha(ru)[6] et Detrin ceteri.
Loci habitati
[recensere | fontem recensere]Michael Staduchin anno 1644 hiemalia Colymensia Inferiora condidit, quae castellum Colymense Inferius postea nominabantur, nunc Nizhnekolymsk vicus est. Eodem anno castellum Colymense Medium conditum est, quod nunc urbs Srednekolymsk est. Saeculo XVII et castellum Colymense Superius aedificatum est, nunc Verchnekolymsk vicus.
Portus hodierni ad Colymam maximi sunt Seimčan, Zyrianka (prope ad castellum Colymense Superius sita) et Czerski colonia urbana prope ad ostium fluminis sita. Hydroeletrificina Colymensis prope ad Sinegor'e vicum constructa est
Notae
[recensere | fontem recensere]- ↑ Ioannis Georgii Gmelin Flora Sibirica, tomus I., p. XLV
- ↑ Pallasii Zoographia rosso-asiatica, tomus I., p. 202; vel Cowyma, Atlas Russicus, p. 8; necnon Kovyma, Zoographia rosso-asiatica, tomus I., p. 92, 185, 507
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Колымская низменность.
- ↑ A vico vetere Pochodsk, stanitsa Pohodscensis.
- ↑ Vel Tschuctschorum, Russice Čukoč'ja.
- ↑ "Regio Magadanensis, districtus Tenkinensis, montes inter fl. Detrin et fl. Bochaptscha, in summitate plana schistosa", — S. Ovchinnikova, Типификация названий трех видов Boraginaceae, in: Novitates systematicae plantarum vascularium, 2015, vol. 46, pp. 164–170.
Nexus externi
[recensere | fontem recensere]
|
Vicimedia Communia plura habent quae ad Colymam spectant. |
|
Situs geographici et historici: Locus: 62°17′31″N 147°43′57″E, 69°33′5″N 161°21′51″E • OpenStreetMap • GeoNames • Store norske Lexikon |