Barham Ṣāliḥ

Barham Ṣāliḥ seu litteris Arabicis برهم أحمد صالح (Suleimaniae in urbe die 12 Septembris 1960 natus) est politicus Iracae.

E populo Carducho ortus alumnus est universitatum Britannicarum Cardiffensis et Liverpoliensis, ubi ingeniariae studuit gradumque doctoris anno 1987 ascendit. Eisdem annis orator Londinium ab unione patriotica Carduchorum missus est. Post annum 1991 autonomia Curdistaniae Iracensis iam concessa iuxta regimen Americanum missus est. In exsilio ab anno 2001 primus minister Carduchorum a factione sua nominatus est. Anno 2004 in Iracam reditus primus minister vicarius illius civitatis breve temporis spatium, deinde minister evolutionis anno 2005, iterum primus minister vicarius a die 20 Maii 2006 usque ad 20 Augusti 2009 factus est sub primo ministro horum annorum Nūrī al-Mālikī. A die 28 Octobris eiusdem anni usque ad 5 Aprilis 2012 primus minister Carduchiae Iracensis meruit antecessore et successore Nīčīrvān Īdris Bārzānī. A die 2 Octobris 2018 usque ad 13 Octobris 2022 praeses Iracae meruit, successore Abd al-Laṭīf Rašīd qui et ipse in Cambria et Anglia eruditus est.

Bibliographia

Mina Aldroubi, "Iraq elects Kurdish Barham Salih as president" in The National (2 Octobris 2018)

Vicimedia Communia plura habent quae ad Barham Ṣāliḥ spectant.

"Barham Salih": vita apud CIDOB: Barcelona Centre for International Affairs (Hispanice)
Vita (2006) apud Brookings Institution

Principes Iracae

Reges	Faisal I • Ghazi • 'Abd al-Ilah (regens) • Faisal II
Praesides	Muhammad Najib ar-Ruba'i • Abdul Salam Arif • Abd al-Rahman al-Bazzaz • Abdul Rahman Arif • Ahmed Hassan al-Bakr • Saddām Husayn • Ghazi Mashal Ajil al-Yawer • Jalal Talabani • Fuʾād Maʿṣūm • Barham Ṣāliḥ • Abd al-Laṭīf Rašīd