Autonoë
Vide etiam paginam discretivam: Autonoë (discretiva).
Autonoë (-ës f.; Graece Αὐτονόη) in mythologia Graeca est filia Cadmi et Harmoniae et soror Agaues et Inus et Semelae; uxor Aristaei et mater Actaeonis.[1]. Una cum sororibus non Iovem sed quendam mortalem moechum e sorore Semele Bacchum genuisse invidiose adfirmabat[2]. Quam ob iniuriam sibi factam Bacchus eam divino furore incitatam ad bacchandum impulitː tum cum sororibus filium Agavae, Thebanorum regem Pentheum, membratim discerpsit[3]. Quod Baccharum Euripidearum argumentum fuit. Paulo antea ipsius Autonoes filius Actaeon, magnus venator, a canibus instigante irata Artemide discerptus erat[4]
Notae
[recensere | fontem recensere]- ↑ Hes., Theogonia 977; Pausanias, Descriptio Graeciae 10,17,3; Apollodori bibliotheca 3,4,2; Diod. 4,2,81.
- ↑ Euripides, Bacchae 26-42
- ↑ Euripides, Bacchae 1089sqq. Ovidius, Metamorphoses III.719-22
- ↑ Ovidius, Metamorphoses III.138-251.